Newlybride Found Dead: തമിഴ്നാട്ടിലെ തിരുവള്ളൂരിൽ പൊന്നേരി സ്വദേശിയായ ലോകേശ്വരി (24) ആണ് മരിച്ചത്. ഭര്ത്താവിന്റെയും ഭർതൃവീട്ടുകാരുടെയും പീഡനത്തെ തുടർന്നാണ് ലോകേശ്വരി ജീവനൊടുക്കിയതെന്നാണ് വിവരം.
ചെന്നൈ: തമിഴ്നാട്ടിലെ തിരുവള്ളൂരിൽ യുവതി കുളിമുറിയിൽ തൂങ്ങി മരിച്ച നിലയിൽ. സ്ത്രീധന പീഡനത്തെ തുടർന്ന് ആത്മഹത്യ ചെയ്തതായാണ് വിവരം. തമിഴ്നാട്ടിലെ തിരുവള്ളൂരിൽ പൊന്നേരി സ്വദേശിയായ ലോകേശ്വരി (24) ആണ് മരിച്ചത്. ഭര്ത്താവിന്റെയും ഭർതൃവീട്ടുകാരുടെയും പീഡനത്തെ തുടർന്നാണ് ലോകേശ്വരി ജീവനൊടുക്കിയതെന്നാണ് വിവരം.
വിവാഹം കഴിഞ്ഞ് നാലാം ദിവസമാണ് യുവതിയെ സ്വന്തം വീട്ടിലെ കുളിമുറിയില് തൂങ്ങി മരിച്ചനിലയില് കണ്ടത്തിയത്. യുവതിയുടെ കുടുംബത്തിന്റെ പരാതിയില് ഭര്ത്താവിനേയും ഭര്തൃമാതാവിനേയും പോലീസ് അറസ്റ്റ് ചെയ്തു. ജൂണ് 27ന് ആയിരുന്നു കട്ടാവൂര് സ്വദേശിയായ പനീറുമായുള്ള ലോകേശ്വരിയുടെ വിവാഹം. സ്വകാര്യ കമ്പനിയിലെ ജീവനക്കാരനാണ് പനീര്.
വിവാഹത്തിനായ് യുവതിയുടെ വീട്ടുകാരോട് 10 പവന്റെ സ്വര്ണാഭരണങ്ങളാണ് പനീറിന്റെ കുടുംബം ആവശ്യപ്പെട്ടിരുന്നത്. അഞ്ച് പവൻ സ്വർണം നൽകാമെന്നാണ് യുവതിയുടെ വീട്ടുകാർ പറഞ്ഞത്. എന്നാല് വിവാഹത്തിന് യുവതിയുടെ കുടുംബത്തിന് നാല് പവന്റെ ആഭരണങ്ങള് നല്കാനേ സാധിച്ചുള്ളൂ. ഇതിന്റെ പേരിൽ യുവതിയെ ഭർത്താവും ഭർതൃമാതാവും നിരന്തരം പീഡിപ്പിച്ചിരുന്നു.
ഒരു പവൻ സ്വർണവും എയർ കണ്ടീഷനും വാങ്ങി നൽകണമെന്ന് ആവശ്യപ്പെട്ടായിരുന്നു പീഡനം. യുവതിയുടെ ഭർത്താവിന്റെ സഹോദരിക്ക് 12 പവൻ സ്വർണം നൽകിയിട്ടുണ്ടെന്ന് പറഞ്ഞ് മാനസികമായും പീഡിപ്പിച്ചിരുന്നു. സംഭവത്തിൽ ഭര്ത്താവ് പനീറിനേയും ഭര്തൃമാതാവായ പൂങ്കോത്തൈയെയും പോലീസ് അറസ്റ്റ് ചെയ്തു.
കേസിലെ മറ്റ് പ്രതികളായ ഭർതൃപിതാവ് ഏഴുമലൈയേയും സഹോദരി നദിയയേയും കണ്ടെത്താന് കഴിഞ്ഞിട്ടില്ല. പനീറിന്റെ അച്ഛനും സഹോദരിയും യുവതിയെ സ്ത്രീധനത്തിന്റെ പേരില് പീഡിപ്പിച്ചിരുന്നു. വിവാഹം കഴിഞ്ഞ് നാലാം ദിവസം ഭര്ത്താവിന്റെ കൂടെ യുവതി സ്വന്തം വീട്ടില് വിരുന്നിനായി പോയി. ജീവനൊടുക്കുന്നതിന് മുമ്പ് യുവതി ഭർതൃവീട്ടുകാർ തന്നെ പീഡിപ്പിക്കുന്നതായി മാതാപിതാക്കളോട് പറഞ്ഞിരുന്നു. ഇതിന് പിന്നാലെയാണ് യുവതി ജീവനൊടുക്കിയത്.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link.
ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
)