 "E-Health: ഇനി ആശുപത്രികളിൽ ക്യൂ നിൽക്കണ്ട; 752 ആരോഗ്യ സ്ഥാപനങ്ങളില് ഇ ഹെല്ത്ത് റെഡി")
സംസ്ഥാനത്തെ ആശുപത്രികളിൽ ഇനി അപ്പോയിന്റ്മെന്റ് എടുക്കാൻ ക്യൂ നിൽക്കണ്ട. സംസ്ഥാനത്തെ 752 ആരോഗ്യ സ്ഥാപനങ്ങളില് ഇ ഹെല്ത്ത് സംവിധാനം സജ്ജമായതായി ആരോഗ്യ വകുപ്പ് മന്ത്രി വീണാ ജോര്ജ് പറഞ്ഞു. ആശുപത്രിയില് ക്യൂ നില്ക്കാതെ നേരത്തെ തന്നെ ഒപി ടിക്കറ്റ് എടുക്കാന് ഇ ഹെല്ത്തിലൂടെ കഴിയും. വീണ്ടും ചികിത്സ തേടണമെങ്കില് ആശുപത്രിയില് നിന്നും തന്നെ അഡ്വാന്സ് ടോക്കണ് എടുക്കാനുള്ള സംവിധാനവും സജ്ജമാണ്. ഇ ഹെല്ത്ത് പോര്ട്ടല് വഴിയും എം-ഇഹെല്ത്ത് ആപ്പ് വഴിയും അഡ്വാന്സ് ടോക്കണ് എടുക്കാനാകും.
മെഡിക്കല് കോളേജുകളിലെ 18 സ്ഥാപനങ്ങള് കൂടാതെ 33 ജില്ല/ജനറല് ആശുപത്രികള്, 88 താലൂക്ക് ആശുപത്രികള്, 42 സാമൂഹികാരോഗ്യ കേന്ദ്രങ്ങള്, 501 കുടുംബാരോഗ്യ കേന്ദ്രങ്ങള്, 50 നഗര കുടുംബാരോഗ്യ കേന്ദ്രങ്ങള്, 14 സ്പെഷ്യാലിറ്റി ആശുപത്രികള്, 3 പബ്ലിക് ഹെല്ത്ത് ലാബുകള്, 3 മറ്റ് ആരോഗ്യ കേന്ദ്രങ്ങള് എന്നിവിടങ്ങളിലാണ് ഇ ഹെല്ത്ത് നടപ്പിലാക്കിയതെന്നും മന്ത്രി ഫേസ്ബുക്കിൽ പങ്കുവെച്ച കുറിപ്പില് വ്യക്തമാക്കി.
കുറിപ്പിന്റെ പൂർണ്ണരൂപം:
സംസ്ഥാനത്തെ 752 ആരോഗ്യ സ്ഥാപനങ്ങളില് ഇ ഹെല്ത്ത് സംവിധാനം സജ്ജമായി. മെഡിക്കല് കോളേജുകളിലെ 18 സ്ഥാപനങ്ങള് കൂടാതെ 33 ജില്ല/ജനറല് ആശുപത്രികള്, 88 താലൂക്ക് ആശുപത്രികള്, 42 സാമൂഹികാരോഗ്യ കേന്ദ്രങ്ങള്, 501 കുടുംബാരോഗ്യ കേന്ദ്രങ്ങള്, 50 നഗര കുടുംബാരോഗ്യ കേന്ദ്രങ്ങള്, 14 സ്പെഷ്യാലിറ്റി ആശുപത്രികള്, 3 പബ്ലിക് ഹെല്ത്ത് ലാബുകള്, 3 മറ്റ് ആരോഗ്യ കേന്ദ്രങ്ങള് എന്നിവിടങ്ങളിലാണ് ഇ ഹെല്ത്ത് നടപ്പിലാക്കിയത്. മുഴുവന് ആശുപത്രികളിലും ഇ ഹെല്ത്ത് സംവിധാനം നടപ്പിലാക്കുകയാണ് ലക്ഷ്യം. ഡിജിറ്റലായി പണമടയ്ക്കാനുള്ള സംവിധാനം, ഓണ്ലൈനായി ഒപി ടിക്കറ്റ്, എം-ഇഹെല്ത്ത് ആപ്പ്, സ്കാന് എന് ബുക്ക് സംവിധാനങ്ങള് എന്നിവ അടുത്തിടെ സജ്ജമാക്കി. ഇ ഹെല്ത്ത് പോര്ട്ടല് (https://ehealth.kerala.gov.in) വഴിയും എം-ഇ ഹെല്ത്ത് ആപ്പ് (https://play.google.com/store/apps/details...) വഴിയും അഡ്വാന്സ് ടോക്കണ് എടുക്കാന് സാധിക്കും.
ഇ ഹെല്ത്ത് വഴിയുള്ള സേവനങ്ങള് ലഭിക്കാന് ആദ്യം https://ehealth.kerala.gov.in എന്ന പോര്ട്ടലില് കയറി രജിസ്റ്റര് ലിങ്ക് ക്ലിക്ക് ചെയ്യണം. അതില് ആധാര് നമ്പര് നല്കണം. തുടര്ന്ന് ആധാര് രജിസ്റ്റര് ചെയ്ത നമ്പരില് ഒടിപി വരും. ഈ ഒടിപി നല്കുമ്പോള് ഓണ്ലൈന് വ്യക്തിഗത ആരോഗ്യ തിരിച്ചറിയല് നമ്പര് ലഭ്യമാകും. ഇത് പോര്ട്ടല് വഴി ഡൗണ്ലോഡ് ചെയ്യാവുന്നതാണ്. ആദ്യതവണ ലോഗിന് ചെയ്യുമ്പോള് ഇത്തരത്തിലുള്ള 16 അക്ക വ്യക്തിഗത ആരോഗ്യ തിരിച്ചറിയല് നമ്പറും പാസ് വേര്ഡും മൊബൈലില് മെസേജായി ലഭിക്കും. ഈ തിരിച്ചറിയല് നമ്പറും പാസ് വേര്ഡും ഉപയോഗിച്ച് ആശുപത്രികളിലേക്കുള്ള നിശ്ചിത തീയതിയിലും സമയത്തുമുള്ള അപ്പോയിന്റ്മെന്റ് എടുക്കാന് സാധിക്കും.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില് വാര്ത്തകള് ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ... ios Link - https://apps.apple.com/us/app/zee-malayalam-news/id1634552220 . Android Link- https://play.google.com/store/apps/details?id=com.indiadotcom.zeemalayalam
ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
