 "Drug Case: നടന്മാരായ ശ്രീനാഥ് ഭാസിക്കും ഷൈനിനും എക്സൈസ് നോട്ടീസ് നൽകും")
ആലപ്പുഴ: താരങ്ങളായ ശ്രീനാഥ് ഭാസിക്കും ഷൈൻ ടോം ചാക്കോയ്ക്കും ലഹരി കൈമാറിയെന്ന കഞ്ചാവ് കേസ് പ്രതി തസ്ലീമ സുല്ത്താനയുടെ മൊഴിയില് അന്വേഷണം അടുത്ത ഘട്ടത്തിലേക്ക് കടന്നതായി പോലീസ്. ഇതിന്റെ അടിസ്ഥാനത്തിൽ നടന്മാരായ ശ്രീനാഥ് ഭാസിക്കും ഷൈന് ടോം ചാക്കോയ്ക്കും എക്സൈസ് നോട്ടീസ് നല്കും.
Also Read: ഞെട്ടിക്കുന്ന വെളിപ്പെടുത്തലുമായി പൾസർ സുനി; നടിയെ ആക്രമിക്കാൻ ക്വട്ടേഷൻ നൽകിയത് ദിലീപ്
ഇവരോട് ചോദ്യം ചെയ്യലിന് ഹാജരാകണം എന്ന് ആവശ്യപ്പെട്ടാണ് നോട്ടീസ് നൽകുക. താരങ്ങള്ക്കൊപ്പം പല തവണ ലഹരി ഉപയോഗിച്ചതായി തസ്ലീമ അന്വേഷണ സംഘത്തിനോട് മൊഴി നല്കിയെന്നാണ് വിവരം. തസ്ലിമയും താരങ്ങളും തമ്മിലുള്ള ചാറ്റ് എക്സൈസിന് ലഭിച്ചിട്ടുണ്ട്. തസ്ലീമയ്ക്കായി എക്സൈസ് ഉടന് കസ്റ്റഡി അപേക്ഷ നല്കുമെന്നും റിപ്പോർട്ടുണ്ട്.
ആലപ്പുഴയില് നിന്നും കഴിഞ്ഞ ദിവസമാണ് തസ്ലീമ ഹൈബ്രിഡ് കഞ്ചാവുമായി പിടിയിലായത്. ഇവരിൽ നിന്നും രണ്ടു കോടിയോളം വില വരുന്ന ഹൈബ്രിഡ് കഞ്ചാവാണ് എക്സൈസ് പിടികൂടിയത്. സമീപകാലത്ത് പിടികൂടുന്ന ഏറ്റവും വലിയ ഹൈബ്രിഡ് കഞ്ചാവ് വേട്ടയാണിതെന്ന് എക്സൈസ് ഡെപ്യൂട്ടി കമ്മീഷണര് എസ് വിനോദ് കുമാര് പറഞ്ഞു.
Also Read: വ്യാഴ കൃപയാൽ ഏപ്രിൽ ഇവർക്ക് പൊളിയായിരിക്കും, നിങ്ങളും ഉണ്ടോ?
സംഭവത്തെ തുടർന്ന് അന്വേഷണ സംഘം നടത്തിയ അന്വേഷണത്തിലാണ് യുവതിയ്ക്ക് സിനിമ മേഖലയിലെ ഉന്നതരുമായി ബന്ധമുണ്ടെന്ന് കണ്ടെത്തിയത്. വിദേശത്ത് നിന്നും എത്തിച്ച ഹൈബ്രിഡ് കഞ്ചാവ് യുവതി എറണാകുളത്ത് വിതരണം ചെയ്തിരുന്നു. ശേഷം ആലപ്പുഴയിൽ വിതരണം ചെയ്യുന്നതിനിടയിൽ എക്സൈസിന്റെ പിടിയിലാവുകയായിരുന്നു.
ആലപ്പുഴയില് നിന്നും ഹൈബ്രിഡ് കഞ്ചാവുമായി യുവതിയെ പിടികൂടിയപ്പോൾ ഇവര്ക്കൊപ്പം മക്കളും ഉണ്ടായിരുന്നു. ആലപ്പുഴ നാര്ക്കോട്ടിക് സി ഐ മഹേഷിന്റെ നേതൃത്വത്തിലുള്ള സംഘമാണ് പ്രതികളെ പിടികൂടിയത്. മണ്ണഞ്ചേരി സ്വദേശി ഫിറോസുമായി ചേര്ന്ന് വില്പന നടത്താനായാണ് യുവതി ആലപ്പുഴയില് നിന്ന് കഞ്ചാവുമായി എത്തിയതെന്നാണ് റിപ്പോർട്ട്. പോലീസ് അന്വേഷണത്തില് തായ്ലാന്ഡില് നിന്നാണ് ഹൈബ്രിഡ് കഞ്ചാവ് ലഭിച്ചതെന്നാണ് സൂചന.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില് വാര്ത്തകള് ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ... ios Link - https://apple.co/3hEw2hy
ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. അപ്ഡേറ്റുകൾ അറിയാൻ സീ മലയാളം ന്യൂസ് വാട്സാപ്പ് ചാനൽ സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
