 "Car Explosion In Palakkad: പാലക്കാട് കാർ പൊട്ടിത്തെറിച്ച് അപകടം: യുവതിയുടെയും മക്കളുടെയും നില ഗുരുതരം")
)
പാലക്കാട്: കാര് പൊട്ടിത്തെറിച്ചുണ്ടായ അപകടത്തില് പൊളളലേറ്റ യുവതിയുടെയും മക്കളുടെയും നില ഗുരുതരമായി തുടരുന്നതായി റിപ്പോർട്ട്. യുവതിയും മക്കളും നിലവിൽ എറണാകുളത്തെ സ്വകാര്യ ആശുപത്രിയില് ചികിത്സയിലാണ്.
പൊല്പ്പുളളി കൈപ്പക്കോട് സ്വദേശി എല്സി മാര്ട്ടിന്, മക്കളായ എമിലീന മരിയ മാര്ട്ടിന്, ആല്ഫ്രഡ് പാര്പ്പിന് എന്നിവര്ക്കാണ് ഗുരുതരമായി പരിക്കേറ്റിരിക്കുന്നത്. മൂവര്ക്കും 90 ശതമാനത്തിലധികം പൊളളലേറ്റിട്ടുണ്ടെന്നാണ് റിപ്പോർട്ട്. അപകടത്തിൽ മറ്റൊരു മകള്ക്കും രിക്കേറ്റിട്ടുണ്ട്. പെണ്കുട്ടിക്ക് 40 ശതമാനത്തോളം പൊളളലേറ്റതായിട്ടാണ് റിപ്പോർട്ട്. എല്സിയുടെയും മക്കളുടെയും നില അതീവ ഗുരുതരമായി തുടരുന്നുവെന്നാണ് ഡോക്ടര് പറയുന്നത്.
ഗുരുതരാവസ്ഥയിൽ കഴിയുന്ന എൽസി പാലക്കാട്ടെ സ്വകാര്യ ആശുപത്രിയിലെ നഴ്സാണ്. അപകടം നടന്നത് ഇന്നലെ വൈകുന്നേരം നാലു മണിയോടെയായിരുന്നു. സംഭവം നടന്നത് കുട്ടികളുമൊത്ത് പുറത്തുപോകാനായി കാറില് കയറിയപ്പോഴായിരുന്നു. ഇതിനിടയിൽ കാര് പൊട്ടിത്തെറിക്കുകയായിരുന്നു എന്നാണ് റിപ്പോർട്ട്. പൊട്ടിത്തെറിച്ചത് പഴയ മാരുതി 800 കാറാണ്. തീ ഉയര്ന്നത് കാറിന്റെ പിന്വശത്തായിരുന്നു.
കാര് സ്റ്റാര്ട്ട് ചെയ്ത ഉടന് പെട്രോളിന്റെ മണം വന്നുവെന്നും രണ്ടാമത് സ്റ്റാര്ട്ട് ചെയ്യാന് ചെയ്യാന് ശ്രമിച്ചപ്പോഴാണ് പൊട്ടിതെറിച്ചതെന്നും മൂത്ത കുട്ടി പറഞ്ഞതായി ആംബുലന്സില് ഉണ്ടായിരുന്ന അയല്വാസി പറഞ്ഞു. എല്സിയുടെ ഭര്ത്താവ് അടുത്തിടെ മരിച്ചിരുന്നു. ഏറെ നാളായി ഉപയോഗിച്ചിട്ടില്ലാത്ത കാറായിരുന്നു പൊട്ടിത്തെറിച്ചത്.
അപകടകാരണം കണ്ടെത്താനായി മോട്ടോര് വാഹനവകുപ്പ്, ഫയര്ഫോഴ്സ്, പോലീസ് എന്നിവരുടെ നേതൃത്വത്തില് പരിശോധന നടത്തിയിരുന്നു. ബാറ്ററി ഷോർട്ട് സർക്യൂട്ടായതാണ് അപകട കാരണം എന്നാണ് പ്രാഥമിക നിഗമനം. കാറിന്റെ കാല്പഴക്കമായിരിക്കാം ഷോർട്ട് സർക്യൂട്ടിലേക്ക് നയിച്ചതെന്നും പൂർണ്ണമായും കത്തി നശിച്ച കാറിൽ വിശദ പരിശോധന നടത്താൻ കഴിയില്ലെന്നും ഫയർഫോഴ്സ് ഉദ്യോഗസ്ഥരും പറഞ്ഞു.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link.
ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
