 "Firoz Chuttipara YouTube Channel: ചാനൽ വരുമാനത്താൽ മാത്രം മുന്നോട്ട് പോകാനാകില്ല; ഫിറോസ് ചുട്ടിപ്പാറ യൂട്യൂബ് ചാനൽ നിർത്തുന്നു!")
)
തിരുവനന്തപുരം: വലിയ അളവിൽ പുതിയ രുചികൾ പരീക്ഷിക്കുന്ന വ്ലോഗറെന്ന നിലയിൽ ശ്രദ്ധേയനായ യൂട്യൂബറാണ് ഫിറോസ് ചുട്ടിപ്പാറ. നിരവധി പേരാണ് ഫിറോസ് ചുട്ടിപ്പാറയുടെ വീഡിയോകൾ കാണാൻ താത്പര്യപ്പെടുന്നത്. വ്യത്യസ്തമായ പാചക വീഡിയോകളാണ് ഫിറോസ് ചുട്ടിപ്പാറ യൂട്യൂബ് ചാനലിൽ പങ്കുവച്ചിരുന്നത്. എന്നാൽ, താൻ യൂട്യൂബ് ചാനൽ നിർത്താൻ പോകുകയാണെന്നാണ് ഫിറോസ് വെളിപ്പെടുത്തിയിരിക്കുന്നത്.
യൂട്യൂബിൽ നിന്നുള്ള വരുമാനം മാത്രമായി മുന്നോട്ട് പോകാനാകില്ലെന്നാണ് ഫിറോസ് ചുട്ടിപ്പാറ പറയുന്നത്. ഇപ്പോൾ ഷോർട്ട് വീഡിയോകളും റീലുകളുമാണ് ആളുകൾ കാണാൻ താത്പര്യപ്പെടുന്നത്. അതിനാൽ വലിയ തുക ചിലവഴിച്ച് ദീർഘനേരമുള്ള വീഡിയോകൾ ചെയ്താൽ ആവശ്യമായ വരുമാനം ലഭിക്കില്ല. അതിനാൽ യൂട്യൂബ് ചാനൽ നിർത്താമെന്ന തീരുമാനത്തിലാണെന്നാണ് ഫിറോസ് ചുട്ടിപ്പാറ പറയുന്നത്.
ചാനലിന്റെ പ്രവർത്തനം പൂർണമായും നിർത്താൻ ആലോചിക്കുന്നില്ല. ചെറിയ വീഡിയോകൾ ഇടയ്ക്ക് ചെയ്യും. മുൻപ് ചെയ്തിരുന്ന പോലുള്ള ദീർഘ നേരമുള്ള വീഡിയോകൾ ചാനലിൽ കുറവായിരിക്കും. താനും സുഹൃത്തും ചേർന്ന് യുഎഇ ആസ്ഥാനമായി പുതിയ ബിസിനസ് ആരംഭിക്കുകയാണെന്നും ഫിറോസ് ചുട്ടിപ്പാറ വെളിപ്പെടുത്തി.
ബിസിനസിൽ കൂടുതൽ ശ്രദ്ധ ആവശ്യമായതിനാൽ വലിയ വീഡിയോകൾക്ക് പകരം ചെറിയ റീലുകൾ ആയിരിക്കും ഇനി ചെയ്യുകയെന്നും ഫിറോസ് പറഞ്ഞു. വില്ലേജ് ഫുഡ് ചാനൽ എന്ന ചാനലിലൂടെയാണ് ഫിറോസ് ചുട്ടിപ്പാറ പ്രേക്ഷകർക്ക് പരിചിതനായത്. പാലക്കാട് സ്വദേശിയായ ഫിറോസ് പ്രവാസിയായിരുന്നു. നാട്ടിൽ വന്നതിന് ശേഷമാണ് യൂട്യൂബ് ചാനൽ ആരംഭിച്ചത്.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link.
ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
