Viral News: കോഴിക്ക് നാല് കാലോ! വിൽപ്പനക്കെത്തിയത് അത്ഭുത കോഴിയോ?

Viral News: നാല് കാലുള്ള കോഴിയെ കണ്ടിട്ടുണ്ടോ?

കോഴിക്ക് കാലുകൾ എത്രയാണ്? രണ്ടല്ലേ.. എന്നാൽ നാല് കാലുള്ള കോഴിയെ കണ്ടിട്ടുണ്ടോ? കേൾക്കുമ്പോൾ അത്ഭുതം തോന്നാം എന്നാൽ സംഗതി സത്യമാണ്. പാലക്കാടാണ് നാല് കാലുള്ള ഒരു അത്ഭുത കോഴിയെ കണ്ടത്. പാലക്കാട് മണ്ണാർക്കാട് കോഴിക്കടയിൽ വിൽപ്പക്കെത്തിയ കോഴിക്കാണ് നാല് കാലുകൾ കണ്ടെത്തിയത്. അത്ഭുതകോഴിയെ കാണാൻ നിരവധി പേർ മണ്ണാർക്കാട്ടെ കോഴി കടയിലെത്തി. 

മണ്ണാർക്കാട് സിപിഎം ഓഫീസിന് സമീപത്തുള്ള അലിഫ് ചിക്കൻ സ്റ്റാളിലാണ് നാല് കാലുള്ള കോഴിയെ കാണാൻ ആളുകൾ എത്തിയത്. രണ്ടു ദിവസം മുൻപ് കോഴി ഫാമിൽ നിന്നും വിൽപ്പനക്കെത്തിയ കോഴികളിൽ ഒരു കോഴിക്കാണ് നാല് കാലുള്ളത് വ്യത്യസ്തതകണ്ട കടയുടമകളായ ഷുക്കൂറും, റിഷാദും കോഴിയെ വിൽക്കുന്നില്ല എന്ന തീരുമാനത്തിലെത്തി. കോഴിയെ കണ്ട് നിരവധി പേർ വിലക്ക് ആവശ്യപ്പെട്ടെങ്കിലും നാലുകാലുള്ള കോഴിയെ വളർത്താനാണ് തീരുമാനമെന്ന് ഇവർ പറഞ്ഞു.