 "Global Ayyappa Sangamam: പമ്പാ തീരത്ത് ഇന്ന് ആഗോള അയ്യപ്പ സംഗമം; ഉദ്ഘാടനം മുഖ്യമന്ത്രി നിർവ്വഹിക്കും")
പത്തനംതിട്ട: പമ്പയിൽ തിരുവിതാംകൂര് ദേവസ്വം ബോര്ഡ് സംഘടിപ്പിക്കുന്ന ആഗോള അയ്യപ്പസംഗമം ഇന്ന് നടക്കും. ശബരിമലയുടെ സമഗ്രവികസനം ലക്ഷ്യമിട്ട് നടത്തുന്ന സംഗമം ഇന്ന് രാവിലെ മുഖ്യമന്ത്രി പിണറായി വിജയനാണ് ഉദ്ഘാടനം ചെയ്യുക.
തമിഴ്നാട് സര്ക്കാരിന്റെ പ്രതിനിധികള് അടക്കം 3,500 പേർ സംഗമത്തില് പങ്കെടുക്കുമെന്നാണ് റിപ്പോർട്ട്. രജിസ്റ്റര് ചെയ്തവര്ക്ക് പാസ് മുഖേനയാണ് പ്രവേശനം. രാവിലെ പത്മശ്രീ കൈതപ്രം ദാമോദരന് നമ്പൂതിരിയുടെ പ്രാര്ത്ഥനയോടെയാണ് പരിപാടിക്ക് തുടക്കമിടുക. പരിപാടിയിൽ ദേവസ്വം വകുപ്പ് മന്ത്രി വി എന് വാസവന് അധ്യക്ഷത വഹിക്കും. തിരുവിതാംകൂര് ദേവസ്വം ബോര്ഡ് പ്രസിഡന്റ് പി എസ് പ്രശാന്ത് സ്വാഗതം പറയും.
ചര്ച്ചകള് മൂന്ന് സെഷനുകളായാണ് സംഘടിപ്പിന്നത്. മാസ്റ്റര്പ്ലാന് ചര്ച്ച മുന് ചീഫ് സെക്രട്ടറി കെ ജയകുമാറും ആധ്യാത്മിക ടൂറിസം ചര്ച്ച പ്രധാനമന്ത്രിയുടെ മുന് പ്രിന്സിപ്പല് സെക്രട്ടറി ടികെഎ നായരും, തിരക്ക് നിയന്ത്രണത്തെക്കുറിച്ചുള്ള ചര്ച്ച റിട്ട. ഡിജിപി ജേക്കബ് പുന്നൂസുമായിരിക്കും നയിക്കുക.
അയ്യപ്പ സംഗമത്തിനുള്ള എല്ലാ ഒരുക്കങ്ങളും പമ്പയില് പൂര്ത്തിയായതായി ദേവസ്വം മന്ത്രി വി എന് വാസവന് അറിയിച്ചിട്ടുണ്ട്. മറ്റ് തീര്ത്ഥാടകര്ക്ക് ദര്ശനത്തിന് തടസ്സമില്ലാത്ത രീതിയില് ആണ് സംഗമം നടത്തുകയെന്നും ആഗോള അയ്യപ്പ സംഗമത്തില് പങ്കെടുക്കുന്നവര്ക്ക് ചോദ്യാവലി കൊടുക്കുമെന്നും എല്ലാവര്ക്കും അത് പൂരിപ്പിച്ചു നല്കാമെന്നും മന്ത്രി വ്യക്തമാക്കിയിട്ടുണ്ട്.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link.
ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
)