Holiday Announcement: ആറ്റുകാൽ പൊങ്കാല 2025: നാളെ ഈ ജില്ലയിലെ വിദ്യാഭ്യാസ സ്ഥാപനങ്ങൾക്ക് അവധി!

Attukal Pongala 2025: രാവിലെ 10:15 ന് പൊങ്കാല അടുപ്പില്‍ തീ പകരും. ഉച്ചയ്ക്ക് 1:15 ന് പൊങ്കാല നിവേദിക്കും

തിരുവനന്തപുരം: ആറ്റുകാൽ ഭഗവതി ക്ഷേത്രത്തിലെ പൊങ്കാല ഉത്സവത്തോടനുബന്ധിച്ച് നാളെ അതായത് മാർച്ച് 13 ന് തിരുവനന്തപുരം ജില്ലയിലെ എല്ലാ വിദ്യാഭ്യാസ സ്ഥാപനങ്ങൾക്കും സർക്കാർ അർദ്ധ സർക്കാർ സ്ഥാപനങ്ങൾക്കും അവധി പ്രഖ്യാപിച്ചിരിക്കുകയാണ്. 

Add Zee News as a Preferred Source

ഇക്കാര്യം ജില്ലാ കളക്ടര്‍ അനുകുമാരിയാണ് അറിയിച്ചിരിക്കുന്നത്.  ആറ്റുകാൽ പൊങ്കാല മഹോത്സവം മാര്‍ച്ച് അഞ്ച് മുതല്‍ ആരംഭിച്ചു. 14 വരെയാണ് ഉത്സവം നടക്കുന്നത്. മാർച്ച് 13 ആയ നാളെയാണ്‌ പൊങ്കാല. അന്നേദിവസമാണ് തിരുവനന്തപുരം നഗരപരിധിയില്‍ ബാങ്കുകള്‍ക്ക് ഉള്‍പ്പെടെ അവധി പ്രഖ്യാപിച്ചിരിക്കുന്നത്. 

നാളെ രാവിലെ 10:15 ന് പൊങ്കാല അടുപ്പില്‍ തീ പകരും. ഉച്ചയ്ക്ക് 1:15 ന് പൊങ്കാല നിവേദിക്കും. നാളെ രാത്രി 7:45 ന് കുത്തിയോട്ട കുട്ടികള്‍ക്ക് ചൂരല്‍കുത്തുന്ന ചടങ്ങ് നടക്കും. രാത്രി 11:15 ന് ദേവിയെ പുറത്തെഴുന്നള്ളിക്കും. തുടർന്ന് 14 ന് രാത്രി 10 ന് കാപ്പഴിച്ച് കുടിയിളക്കുന്ന ചടങ്ങും ഒരു മണിക്ക് കുരുതിതര്‍പ്പണവും നടക്കും.