Wayanad Rain Alert: അതിതീവ്ര മഴ തുടരുന്നു; ദേശീയ ദുരന്ത നിവാരണ സംഘം വയനാട്ടിൽ

വയനാട്: അതിതീവ്ര മഴ തുടരുന്ന സാഹചര്യത്തിൽ ദേശീയ ദുരന്ത നിവാരണ സംഘം വയനാട്ടിലെത്തി. ജില്ലാ കളക്ടറുമായി സ്ഥിതിഗതികൾ വിലയിരുത്തിയ എൻഡിആർഎഫ് സംഘം ചൂരൽമല, മുണ്ടക്കൈ പ്രദേശങ്ങൾ സന്ദർശിച്ചു. ജില്ലയിൽ എത്തിയ 30 അംഗ സഘം മീനങ്ങാടിയിൽ ക്യാമ്പ് ചെയ്യും.

ബുധനാഴ്ച രാവിലെയാണ് ദേശീയ ദുരന്ത നിവാരണ സേനയുടെ മുപ്പതം​ഗ സംഘം വയനാട്ടിലെത്തിയത്. തുടർന്ന് ഉരുൾ പൊട്ടലുണ്ടായ ചൂരൽമലയിൽ  സംഘം സ്ഥിതിഗതികൾ വിലയിരുത്തി. നിലവിൽ ജില്ലയിൽ ആശങ്കയില്ലെങ്കിലും അടിയന്തര സാഹചര്യത്തിൽ രക്ഷാപ്രവർത്തനം നടത്താനാണ് സംഘം എത്തിയത്.

ALSO READ: നാളെ വീണ്ടും മഴ ശക്തമാകുമെന്ന് മുന്നറിയിപ്പ്; നാല് ജില്ലകളിൽ റെഡ് അലർട്ട്

സെൻസിറ്റീവ് പ്രദേശങ്ങൾ കണ്ടെത്താനും, വേണ്ട മുന്നൊരുക്കങ്ങൾ നടത്താണുമാണ് സംഘം ജില്ലയിലേക്ക് എത്തിയത്. മഴക്കാലം കഴിയുന്നത് വരെ ജില്ലയിൽ തുടരുമെന്ന് ഇൻസ്പെക്ടർ ഗോപിനാഥ് ജി പറഞ്ഞു. നിലവിൽ വയാട്ടിലെത്തിയ സംഘത്തിലെ ഇരുപതോളം അംഗങ്ങൾ ചൂരൽമല ഉരുൾപൊട്ടൽ സമയത്ത് ജില്ലയിൽ പ്രവർത്തിച്ചവരാണ്.

ഇൻസ്‌പെക്ടർ ജനറൽ ജി ഗോപിനാഥാണ് ഗ്രൂപ്പ് കമാന്റർ. ജില്ലയിൽ റെഡ് അലർട്ടാണ് പ്രഖ്യാപിച്ചിരിക്കുന്നത്. എന്നാൽ, മഴയുടെ ശക്തി നേരിയതായി കുറഞ്ഞിട്ടുണ്ട്. എങ്കിലും മുൻകരുതലിന്റെ ഭാഗമായി ദുരന്ത നിവാരണ സംഘം ജില്ലയിൽ തുടരും. സംസ്ഥാനത്ത് അടുത്ത ദിവസങ്ങളിൽ മഴ ശക്തമാകുമെന്നാണ് കേന്ദ്ര കാലാവസ്ഥാ വകുപ്പിന്റെ മുന്നറിയിപ്പ്.

ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link.

ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.