കേരളത്തിലും കര്ണാടകയില് ഇന്ന് ഒറ്റപ്പെട്ട കനത്ത മഴയ്ക്ക് സാധ്യത. ഇത് സംബന്ധിച്ച മുന്നറിയിപ്പ് കേന്ദ്ര കാലാവസ്ഥാ നിരീക്ഷണ കേന്ദ്രമാണ് പുറപ്പെടുവിച്ചിരിക്കുന്നത്.
കർണാടക, കേരളം, മാഹി എന്നിവിടങ്ങളിൽ ഒറ്റപ്പെട്ട സ്ഥലങ്ങളിൽ ഇന്ന് കനത്ത മഴ ലഭിക്കാൻ സാധ്യതയുണ്ട്. കൂടാതെ, തമിഴ്നാട്, പുതുച്ചേരി, കാരൈയ്ക്കൽ എന്നിവിടങ്ങളിലും ദിവസം മുഴുവൻ കനത്ത മഴ പെയ്യാൻ സാധ്യതയുണ്ടെന്ന് കാലാവസ്ഥാ നിരീക്ഷണ കേന്ദ്ര൦ അറിയിച്ചു.
അതേസമയം, കരുത്തുകാട്ടി തെക്കുപടിഞ്ഞാറന് കാലവര്ഷം വ്യാഴാഴ്ചയോടെ രാജ്യത്തുനിന്നും പൂര്ണമായി പിന്വാങ്ങു൦. വടക്കുകിഴക്കന് അറബിക്കടല്, ഗുജറാത്ത്, മധ്യപ്രദേശ്, ഛത്തീസ്ഗഡ്, ജാര്ഖണ്ഡ്, ബീഹാര്, പശ്ചിമബംഗാള് തുടങ്ങിയ മേഖലകളില്നിന്നു കാലവര്ഷം പിന്വാങ്ങി.
അതേസമയം, സംസ്ഥാനത്ത് ഒറ്റപ്പെട്ട കനത്ത മഴയ്ക്കുള്ള മുന്നറിയിപ്പിന്റെ പശ്ചാത്തലത്തില് മൂന്നു ജില്ലകളില് യെല്ലോ അലേര്ട്ട് പ്രഖ്യാപിച്ചിരിയ്ക്കുകയാണ്. ഇടുക്കി, വയനാട്, കോഴിക്കോട് ജില്ലകളിലാണു യെല്ലോ അലേര്ട്ട് പ്രഖ്യാപിച്ചിരിക്കുന്നത്.
ഈ മാസം ഈ മാസം ഇരുപതോടെ കേരളത്തില് തുലാമഴ ആരംഭിക്കുമെന്നാണ് കാലാവസ്ഥാ നിരീക്ഷണ കേന്ദ്ര൦ നല്കുന്ന അറിയിപ്പ്.