 "Kerala High Court: എംഎസ്സിക്ക് വീണ്ടും തിരിച്ചടി; വിഴിഞ്ഞത്ത് എത്തുന്ന ഒരു കപ്പൽ കൂടി തടഞ്ഞ് വയ്ക്കാൻ ഹൈക്കോടതി ഉത്തരവ്")
)
കൊച്ചി: എംഎസ്സി കമ്പനിയുടെ ഒരു കപ്പൽ കൂടി തടഞ്ഞ് വയ്ക്കാൻ ഉത്തരവിട്ട് ഹൈക്കോടതി. കൊളമ്പോയില് നിന്ന് വിഴിഞ്ഞത്തേക്ക് വരുന്ന എം എസ് സി പോളോ 2 എന്ന കപ്പല് അറസ്റ്റ് ചെയ്യാനാണ് കോടതി ഉത്തരവിട്ടിരിക്കുന്നത്. കപ്പൽ നാളെ വിഴിഞ്ഞത്തെത്തും. 75.5 ലക്ഷം രൂപ കെട്ടിവച്ചാല് കപ്പല് വിട്ടുനല്കുമെന്നും ഉത്തരവിൽ പറയുന്നു. കൊല്ലത്തെ സാന്സ് കാഷ്യു പ്രൈവറ്റ് ലിമിറ്റഡ് നല്കിയ ഹര്ജിയിലാണ് കോടതിയുടെ നടപടി വന്നിരിക്കുന്നത്. കൊച്ചി തീരത്തിന് സമീപം മുങ്ങിയ എം എസ് സി എല്സാ 3 കപ്പലിൽ സാന്സ് കാഷ്യു പ്രൈവറ്റ് ലിമിറ്റഡിന്റെ ഒരു കണ്ടെയ്നര് കശുവണ്ടി ഉണ്ടായിരുന്നു.
മെയ് 24 നാണ് എംഎസ്സി എൽസ 3 കപ്പൽ അപകടത്തിൽപെട്ടത്. കൊച്ചി തീരത്തുനിന്ന് 30 നോട്ടികൽ മൈൽ അകലെയായി അറബിക്കടലിലാണ് കപ്പൽ മുങ്ങിയത്. സംഭവത്തില് ഫോർട്ട് കൊച്ചി കോസ്റ്റൽ പൊലീസ് കേസെടുത്തിട്ടുണ്ട്. കേസിൽ കപ്പൽ ഉടമയാണ് ഒന്നാം പ്രതി. ഷിപ്പ് മാസ്റ്റർ രണ്ടാം പ്രതിയും ഷിപ്പിംഗ് ക്രൂ മൂന്നാം പ്രതിയുമാണ്. മനുഷ്യജീവന് അപകടം ഉണ്ടാക്കും വിധം ചരക്ക് കപ്പൽ കൈകാര്യം ചെയ്തു എന്നതിനാണ് ഇവർക്കെതിരെ കേസെടുത്തിരിക്കുന്നത്.
അപകടമുണ്ടായി 17 ദിവസത്തിന് ശേഷമാണ് പൊലീസ് കേസെടുത്തിരിക്കുന്നത്. കേസെടുക്കാത്തതിൽ ഏറെ വിമർശനങ്ങൾ ഉയർന്നതോടെയാണ് നടപടി.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link.
ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
