 "IAS Reshuffle in Kerala: നാലു ജില്ലകളിൽ ഇനി പുതിയ കലക്ടർമാർ; ഐഎഎസ് തലപ്പത്തെ അഴിച്ചുപണിയിൽ 25 ഉദ്യോഗസ്ഥർക്ക് മാറ്റം")
)
തിരുവനന്തപുരം: നാല് ജില്ലാ കലക്ടർമാർ ഉൾപ്പെടെ ഐഎഎസ് തലപ്പത്തെ 25 ഉദ്യോഗസ്ഥർക്ക് മാറ്റം. എറണാകുള്ള കലക്ടറായി ജി. പ്രിയങ്കയെ നിയമിച്ചു. പാലക്കാട് എം.എസ്.മാധവിക്കുട്ടിയും കോട്ടയത്ത് ചേതൻകുമാർ മീണയും, ഇടുക്കിയിൽ ഡോ.ദിനേശൻ ചെറുവത്ത് എന്നിവരാണ് പുതിയ കലക്ടർമാർ.
ഡോ.കെ.വാസുകിയെ പൊതുവിദ്യാഭ്യാസ സെക്രട്ടറിയായി നിയമിച്ചു. തൊഴിൽ വകുപ്പിൽ സ്പെഷൽ സെക്രട്ടറിയായി എസ്.ഷാനവാസിനെയും നിയമിച്ചു. ഷീബാ ജോർജ് ആരോഗ്യവകുപ്പിൽ അഡിഷനൽ സെക്രട്ടറിയാകും. ബി.അബ്ദുൽനാസറിനെ ന്യൂനപക്ഷ വകുപ്പ് അഡിഷനൽ സെക്രട്ടറിയായാണ് നിയമിച്ചത്.
ഡോ.എസ്.ചിത്ര ഇനി പൊതുവിദ്യാഭ്യാസ അഡിഷനൽ സെക്രട്ടറിയായിരിക്കും. തദ്ദേശവകുപ്പ് ഓഫിസർ ഓൺ സ്പെഷൽ ഡ്യൂട്ടി ചുമതലയും ചിത്രയ്ക്കാണ് നൽകിയിരിക്കുന്നത്. ഹൗസിങ് ബോർഡിന്റെയും നിർമിതി കേന്ദ്രത്തിന്റെയും ഡയറക്ടർ പദവിയിലാണ് എ.ഗീതയെ നിയമിച്ചത്. ജെറോമിക് ജോർജിനെ തദ്ദേശവകുപ്പ് പ്രിൻസിപ്പൽ ഡയറക്ടറായും എൻ.എസ്.കെ.ഉമേഷിനെ പൊതുവിദ്യാഭ്യാസ ഡയറക്ടറായും നിയമിച്ചു. ഉമേഷ് എറണാകുളം ജില്ലാ കലക്ടർ ആയിരുന്നു.
വി.വിഘ്നേശ്വരി കൃഷിവകുപ്പ് അഡിഷനൽ സെക്രട്ടറിയായിരിക്കും. ജോൺ വി.സാമുവൽ ജലഗതാഗത വകുപ്പ് ഡയറക്ടറാകും. ഡൽഹി കേരള ഹൗസ് റസിഡന്റ് കമ്മിഷണർ പുനീത് കുമാറിനെ തദ്ദേശ സ്വയംഭരണ വകുപ്പ് അഡിഷനൽ ചീഫ് സെക്രട്ടറിയായും നിയമിച്ചു. അശ്വതി ശ്രീനിവാസ് ഡൽഹി അഡിഷണൽ റസിഡന്റ് കമ്മിഷണറാകും. പരിശീലനം പൂർത്തിയാക്കിയ 7 ഐഎഎസ് ഉദ്യോഗസ്ഥരെ വിവിധ ജില്ലകളിൽ സബ് കലക്ടർമാരായും പൊതുഭരണവകുപ്പ് നിയമിച്ചു.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link.
ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
