Idukki Tiger Attack: ഇടുക്കിയിൽ കടുവ വളർത്തുമൃഗങ്ങളെ കൊന്നു; വനംവകുപ്പ് സംഘം സ്ഥലത്തെത്തി, മയക്കുവെടിവയ്ക്കാൻ നീക്കം

Forest Department Idukki: നാരായണൻ, ബാലമുരുകൻ എന്നിവരുടെ വളർത്തുമൃ​ഗങ്ങളെയാണ് കൊന്നത്. പശുവിനെയും നായയെയുമാണ് കൊന്നത്.

ഇടുക്കി: ഇടുക്കി വണ്ടിപ്പെരിയാറിന് സമീപം കടുവയിറങ്ങി. അരണക്കല്ലിൽ തോട്ടം തൊഴിലാളികളുടെ വളർത്തുമൃ​ഗങ്ങളെ കൊന്നു. പശുവിനെയും നായയെയുമാണ് കൊന്നത്. നാരായണൻ, ബാലമുരുകൻ എന്നിവരുടെ വളർത്തുമൃ​ഗങ്ങളെയാണ് കൊന്നത്. വനംവകുപ്പ് ഉദ്യോ​ഗസ്ഥർ സ്ഥലത്തെത്തി പരിശോധന നടത്തി.

കഴിഞ്ഞ ദിവസം ​ഗ്രാമ്പിയിൽ ജനവാസ മേഖലയിൽ ഇറങ്ങിയ പരിക്കേറ്റ കടുവ തന്നെയാണിതെന്നാണ് സൂചന. കടുവയെ കണ്ടെത്തി മയക്കുവെടിവച്ച് പിടികൂടാനാണ് നീക്കം.

കടുവയെ തേക്കടിയിലെത്തിച്ച് ചികിത്സ നൽകാനുള്ള ക്രമീകരണങ്ങളെല്ലാം ഏർപ്പെടുത്തി. ജനവാസ മേഖലയിൽ വന്യമൃ​ഗ ശല്യം രൂക്ഷമാകുന്നതിനെതിരെ വലിയ പ്രതിഷേധമാണ് ജനങ്ങളിൽ നിന്നുണ്ടാകുന്നത്.