IMD Predicts Heavy Rain In Kerala: സംസ്ഥാനത്ത് മഴ ശക്തമായി തുടരുന്നു. മഴക്കെടുതിയിൽ അഞ്ച് മരണം കൂടി റിപ്പോർട്ട് ചെയ്തു.
തിരുവനന്തപുരം: സംസ്ഥാനത്ത് അതിശക്തമായ മഴ തുടരുന്നു. മഴക്കെടുതിയിൽ അഞ്ച് മരണം കൂടി റിപ്പോർട്ട് ചെയ്തു. വിവിധ അപകടങ്ങളിൽ മൂന്ന് പേരെ കാണാതായി. ലോറിയുടെ മുകളിലേക്ക് മരം വീണ് യുവാവ് മരിച്ചു. കുമളിയിൽ തമിഴ്നാട് ചെക്ക്പോസ്റ്റിന് സമീപത്താണ് അപകടമുണ്ടായത്.
കാസർകോട് ബോവിക്കാനത്ത് വീടിന് മുന്നിലെ തോട്ടിൽ വീണ് വീട്ടമ്മ മരിച്ചു. തുണിയലക്കാൻ പോയ വീട്ടമ്മ വീടിന് മുന്നിലെ തോട്ടിൽ ഒഴുക്കിൽപ്പെടുകയായിരുന്നു. ആലപ്പുഴയിൽ കനാലിൽ വീണ ഹൗസ് ബോട്ട് ജീവനക്കാരനും മരിച്ചു. കാൽ വഴുതി കനാലിലേക്ക് വീഴുകയായിരുന്നു.
പുനപ്രയിൽ മീൻ പിടിക്കാൻ പോയ ആളെ മരിച്ച നിലയിൽ കണ്ടെത്തി. അറുപത്തഞ്ചുകാരനെയാണ് വെള്ളം കയറിയ പാടശേഖരത്തിൽ മരിച്ച നിലയിൽ കണ്ടെത്തിയത്. വിഴിഞ്ഞത്ത് മത്സ്യബന്ധനം കഴിഞ്ഞ് മടങ്ങുന്നതിനിടെ തെങ്ങ് വീണ് പരിക്കേറ്റ യുവാവ് മരിച്ചു. മഴക്കെടുതിയിൽ മൂന്ന് പേരെ കാണാതായിട്ടുമുണ്ട്.
കണ്ണൂർ പാട്യത്ത് വീട്ടമ്മയെ തോട്ടിലെ ഒഴുക്കിൽപ്പെട്ട് കാണാതായി. കൊച്ചി കുമ്പളം കായലിൽ വള്ളം മറിഞ്ഞ് മത്സ്യത്തൊഴിലാളിയെ കാണാതായി. വീരൻപുഴയിൽ വള്ളം മറിഞ്ഞ് ചെറായി സ്വദേശിയെ കാണാതായി. ഇന്ന് മൂന്ന് ജില്ലകളിലാണ് റെഡ് അലർട്ട് പ്രഖ്യാപിച്ചിരിക്കുന്നത്. ഇടുക്കി, കാസർകോട്, കണ്ണൂർ എന്നീ ജില്ലകളിലാണ് റെഡ് അലർട്ട് പുറപ്പെടുവിച്ചിരിക്കുന്നത്.
പത്തനംതിട്ട, ഇടുക്കി, കോട്ടയം, പാലക്കാട്, തൃശൂർ, കാസർകോട്, കണ്ണൂർ എന്നീ ജില്ലകളിലെ വിദ്യാഭ്യാസ സ്ഥാപനങ്ങൾക്ക് അവധി പ്രഖ്യാപിച്ചിട്ടുണ്ട്. ഈ ജില്ലകളിലെ എല്ലാ വിദ്യാഭ്യാസ സ്ഥാപനങ്ങൾക്കും കുട്ടനാട് താലൂക്കിലെ വിദ്യാഭ്യാസ സ്ഥാപനങ്ങൾക്കും കളക്ടർമാർ അവധി പ്രഖ്യാപിച്ചിട്ടുണ്ട്.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link.
ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
)