 "Hema Committee Report: ഹേമ കമ്മിറ്റി റിപ്പോർട്ട്: എല്ലാ കേസുകളിലും അന്വേഷണം അവസാനിപ്പിച്ച് അന്വേഷണ സംഘം")
കൊച്ചി: ഹേമ കമ്മിറ്റി റിപ്പോർട്ടുമായി ബന്ധപ്പെട്ട് എല്ലാ കേസുകളിലും അന്വേഷണം അവസാനിപ്പിച്ച് അന്വേഷണ സംഘം. റിപ്പോർട്ടുമായി ബന്ധപ്പെട്ട് രജിസ്റ്റർ ചെയ്ത 34 കേസുകളിലെയും നടപടികള് അവസാനിപ്പിച്ചുവെന്ന് സര്ക്കാര് ഹൈക്കോടതിയെ അറിയിച്ചു.
ഹേമ കമ്മിറ്റിക്ക് നൽകിയ മൊഴികളെ ആസ്പദമാക്കി പ്രത്യേകാന്വേഷണ സംഘത്തെ സർക്കാർ നിയോഗിച്ചിരുന്നു. എസ്ഐടിക്ക് മുന്നില് മൊഴി നല്കാന് അതിജീവിതകൾക്ക് സാധ്യമായ എല്ലാ സഹായവും നല്കിയിരുന്നു. എന്നാൽ, ഹേമ കമ്മിറ്റിക്കു മുന്നില് മൊഴി നല്കിയവര് പ്രത്യേക സംഘത്തിന്റെ അന്വേഷണവുമായി സഹകരിച്ചില്ല. ഇതുകാരണമാണ് എല്ലാ കേസുകളിലെയും അന്വേഷണം അവസാനിപ്പിച്ചതെന്നും സര്ക്കാര് ഹൈക്കോടതിയെ അറിയിച്ചു.
മൊഴി നല്കാന് എസ്ഐടി ആരെയും നിര്ബന്ധിക്കേണ്ടതില്ലെന്ന് ജസ്റ്റിസുമാരായ എ കെ ജയശങ്കരൻ നമ്പ്യാർ, സി എസ് സുധ എന്നിവരടങ്ങിയ പ്രത്യേക ബെഞ്ച് വ്യക്തമാക്കി. മൊഴി നല്കാന് ആരെയും എസ്ഐടി നിര്ബന്ധിക്കേണ്ടതില്ലെന്ന് ഹൈക്കോടതി ആവര്ത്തിച്ചു. സിനിമാ മേഖലയിലെ ലൈംഗിക ചൂഷണം സംബന്ധിച്ച പരാതി സ്വീകരിക്കുന്നതിനായി എസ്ഐടിയുടെ നോഡല് ഏജന്സി പ്രവര്ത്തനം തുടരണമെന്നും ഹൈക്കോടതി നിർദ്ദേശിച്ചു.
സിനിമാ മേഖലയുമായി ബന്ധപ്പെട്ട നിര്ദ്ദിഷ്ട നിയമം തൊഴിലിടങ്ങളിലെ ലൈംഗിക അതിക്രമം തടയുന്ന നിയമത്തിന് സമാനമാകരുത്. പുതിയ നിയമം നിലവില് വരുന്നതുവരെ കോടതിയുടെ മാര്ഗ്ഗനിര്ദ്ദേശങ്ങള് നിലവിലുണ്ടാകുമെന്നും ഹൈക്കോടതി പറഞ്ഞു.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link.
ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
