Krishna Kumar: തന്റെ പോസ്റ്റർ വിതരണം ചെയ്യുന്നില്ല, പ്രചാരണ രംഗത്ത് നിസഹകരണം; പരാതിയുമായി കൃഷ്ണകുമാർ

Lok Sabha Election 2024: ബിജെപി ജില്ലാ നേതൃത്വത്തിന് എത്തിച്ചുകൊണ്ടാണ് കൃഷ്ണകുമാർ കൊല്ലത്ത് സ്ഥാനാർത്ഥിയായി പ്രത്യക്ഷപ്പെടുന്നത് ഇതോടെ തുടങ്ങിയതാണ് ജില്ലാ നേതൃത്വത്തിന്റെ സംഗത എന്നാണ് ആക്ഷേപം ഉയരുന്നത്.

തിരുവനന്തപുരം: ബിജെപി ജില്ലാ നേതൃത്വത്തിനെതിരെ പരാതിയുമായി കൊല്ലം എൻഡിഎ സ്ഥാനാർത്ഥി ജി കൃഷ്ണകുമാർ. തന്റെ പോസ്റ്റർ വിതരണം ചെയ്യുന്നില്ലെന്നും തനിക്കുവേണ്ടി പ്രചാരണം നടത്തുന്ന കാര്യത്തിൽ നിസ്സഹകരണ മനോഭാവമാണ് ജില്ലാ നേതൃത്വം നടത്തുന്നത് എന്നും കൃഷ്ണകുമാർ പറഞ്ഞു. സംഭവം ആരോപിച്ച് ബിജെപി കൊല്ലം ജില്ലാ നേതൃത്വത്തിനെതിരെ സംസ്ഥാന നേതൃത്വത്തിന്  അദ്ദേഹം പരാതിയും നൽകി.

 ബിജെപി ജില്ലാ നേതൃത്വത്തിന് എത്തിച്ചുകൊണ്ടാണ് കൃഷ്ണകുമാർ കൊല്ലത്ത് സ്ഥാനാർത്ഥിയായി പ്രത്യക്ഷപ്പെടുന്നത് ഇതോടെ തുടങ്ങിയതാണ് ജില്ലാ നേതൃത്വത്തിന്റെ സംഗത എന്നാണ് ആക്ഷേപം ഉയരുന്നത്. സ്ഥാനാർത്ഥിയെ നിർണയിക്കുന്നത് വൈകിയതിനാൽ പോസ്റ്റുകൾ അച്ചടിക്കാൻ താമസം ഉണ്ടെന്നായിരുന്നു തുടക്കത്തിൽ ജില്ലാ നേതൃത്വം നിരത്തിയിരുന്ന വാദങ്ങൾ. ഇതോടെ കൃഷ്ണകുമാർ തന്റെ പോസ്റ്ററുകൾ സ്വന്തമായി തയ്യാറാക്കി. എന്നാൽ ഇത് വിതരണം ചെയ്യാനും ജില്ലാ നേതൃത്വം തയ്യാറായില്ല. കൂടാതെ പുതിയ പ്രിന്റിംഗ് ഓർഡറുകൾ നൽകിയതുമില്ല.

 താൻ സ്വന്തം നിലയ്ക്ക് അച്ചടിച്ച പോസ്റ്ററുകൾ പോലും  നേതൃത്വം വിതരണം ചെയ്യാൻ കൂട്ടാക്കുന്നില്ല എന്നും ഈ രീതിയിൽ തനിക്ക് മുന്നോട്ട് പോകാൻ സാധിക്കില്ലെന്നും ചൂണ്ടിക്കാട്ടിയാണ് കൃഷ്ണകുമാർ സംസ്ഥാന നേതൃത്വത്തിന് പരാതി അറിയിച്ചത്. പരാതി ബോധ്യപ്പെട്ട ജില്ലാ ആർഎസ്എസ് കൊല്ലത്തെ ജില്ലാ നേതൃത്വത്തെ കൊണ്ട് പണിയെടുപ്പിക്കുന്നതിനു വേണ്ടി സംയോജകനെ ചുമതലപ്പെടുത്തി.

ബിജെപി മത്സരിക്കുന്ന കൊല്ലം മണ്ഡലത്തിൽ മാത്രമാണ് ഇത്തരത്തിൽ പ്രത്യേക ആളെ ചുമതലപ്പെടുത്തിയിരിക്കുന്നത്. ലോക്സഭ ഇലക്ഷൻ പ്രഖ്യാപിച്ചത് മുതൽ ജില്ലാ പ്രസിഡണ്ട് ആയിരിക്കും സ്ഥാനാർത്ഥിയാവുക എന്നായിരുന്നു ലഭിച്ചിരുന്ന സൂചന. എന്നാൽ ഇതിനെ വെട്ടിയാണ് പാർട്ടി നേതൃത്വം നടൻ കൂടിയായ കൃഷ്ണകുമാരനെ സ്ഥാനാർത്ഥിയാക്കുന്നത്.