കൊച്ചി: മോശം കാലാവസ്ഥയെ തുടർന്ന് നെടുമ്പാശേരി വിമാനത്താവളത്തില് ഇറങ്ങേണ്ട ഏഴ് വിമാനങ്ങൾ വഴിതിരിച്ചുവിട്ടു. മൂടൽമഞ്ഞ് ബാധിച്ചത് അഞ്ച് രാജ്യാന്തരസര്വീസിനെയും രണ്ട് ആഭ്യന്തരസര്വീസിനെയുമാണ്. എയര് ഇന്ത്യയുടെ തിരുവനന്തപുരം-കൊച്ചി വിമാനം വൈകുന്നു.
കനത്ത മൂടൽമഞ്ഞു കാരണം ഇൻഡിഗോയുടെ പുണെ –കൊച്ചി, ദുബായ് – കൊച്ചി വിമാനങ്ങൾ കോയമ്പത്തൂരിലേക്കു വിട്ടു. അതേസമയം, ഇവിടെനിന്നു പുറപ്പെടേണ്ട വിമാനങ്ങളുടെ സർവീസിനെ മൂടൽമഞ്ഞു ബാധിച്ചിട്ടില്ല.