close

News WrapGet Handpicked Stories from our editors directly to your mailbox

കെവിന്‍ വധം: കോടതി മുറിയില്‍ പൊട്ടിക്കരഞ്ഞ് പ്രതികള്‍!!

പ്രതിക്കൂട്ടില്‍ നിന്ന പ്രതികള്‍ വിചാരണയ്ക്കിടെ പൊട്ടിക്കരയുകയായിരുന്നു.  

Sneha Aniyan | Updated: Aug 24, 2019, 12:24 PM IST
കെവിന്‍ വധം: കോടതി മുറിയില്‍ പൊട്ടിക്കരഞ്ഞ് പ്രതികള്‍!!

പാലാ: കെവിന്‍ വധക്കേസില്‍ വിധി പറയാനിരിക്കെ കോടതി മുറിയില്‍ നാടകീയ രംഗങ്ങള്‍!!

വിചാരണ പൂര്‍ത്തിയാക്കിയ കേസില്‍ ഇന്ന് വിധി പറയാനിരിക്കെയാണ് നാടകീയ രംഗങ്ങള്‍ അരങ്ങേറിയത്. പ്രതിക്കൂട്ടില്‍ നിന്ന പ്രതികള്‍ വിചാരണയ്ക്കിടെ പൊട്ടിക്കരയുകയായിരുന്നു.  

2019 ഏപ്രില്‍ 24നാണ് കെവിന്‍ വധക്കേസില്‍ വിചാരണ ആരംഭിച്ചത്. പ്രധാന സാക്ഷിയായ അനീഷിന്‍റെ വിസ്താരത്തിലൂടെയാണ് വിചാരണ ആരംഭിച്ചത്. 

വിചാരണ അവസാനിച്ചതോടെ ഇത് ദുരഭിമാന കൊലപാതകമാണെന്ന് കോടതി കണ്ടെത്തിയിരുന്നു. 

നീനുവിന്‍റെ സഹോദരൻ ഷാനു ചാക്കോയടക്കം 10 പ്രതികൾ കുറ്റക്കാരാണെന്ന് കണ്ടെത്തിയ കോടതി നീനുവിന്‍റെ അച്ഛൻ ചാക്കോ ജോൺ ഉൾപ്പെടെ നാല്‌ പ്രതികളെ കുറ്റവിമുക്തരാക്കി.

ശിക്ഷ സംബന്ധിച്ച വാദ൦ നടക്കുന്ന ഇന്ന് ശിക്ഷയെ സംബന്ധിച്ച് പ്രതികൾക്ക് പറയാനുള്ളതും കോടതി കേൾക്കും. അഭിഭാഷകരുടെയും പ്രോസിക്യൂഷന്‍റെയും വാദം കേട്ടശേഷമാകും വിധി പ്രസ്താവിക്കുക.

നരഹത്യ, തട്ടിക്കൊണ്ടുപോയി വിലപേശൽ, ഗൂഢാലോചന, ഭവനഭേദനം തുടങ്ങിയ വകുപ്പുകൾ പ്രകാരം വധശിക്ഷ വരെ ലഭിക്കാവുന്ന കുറ്റങ്ങളാണ് പ്രതികൾക്കു മേൽ ചുമത്തിയിട്ടുള്ളത്.

2018 മെയ്‌ 26നാണ് നട്ടാശ്ശേരി പ്ലാത്തറയിൽ കെവിൻ ജോസഫിനെ നിനുവിന്‍റെ സഹോദരന്‍റെയും അച്ഛന്‍റെയും നേതൃത്വത്തിലുള്ള സംഘം തട്ടിക്കൊണ്ടുപോയത്.

തുടര്‍ന്ന്, മെയ്‌ 28നു തെന്മലയ്ക്ക് സമീപത്തെ ജലാശയത്തിൽ മരിച്ച നിലയിൽ കെവിനെ കണ്ടെത്തുകയായിരുന്നു.