 "Konni Quarry Accident: കോന്നി പാറമട അപകടം; ഒരാളുടെ മൃതദേഹം പുറത്തെടുത്തു, പാറയിടിയുന്നത് വെല്ലുവിളി, രക്ഷാദൗത്യം നിർത്തിവെച്ചു")
)
പത്തനംതിട്ട: കോന്നി പയ്യനാമണ്ണിൽ പാറമടയിൽ ഹിറ്റാച്ചിയുടെ പുറത്ത് പാറ വീണുണ്ടായ അപകടത്തിൽ മരിച്ച ഒരാളുടെ മൃതദേഹം പുറത്തെടുത്തു. രക്ഷാദൗത്യം ഇന്നത്തേക്ക് നിർത്തിവെച്ചിരിക്കുകയാണ്. വീണ്ടും പാറ ഇടിയുന്നത് വെല്ലുവിളി ആയതോടെയാണ് രക്ഷാദൗത്യം നിർത്തിവെച്ചത്. നാളെ രാവിലെ ഏഴ് മണിക്ക് ദൗത്യം പുനരാരംഭിക്കും.
രണ്ട് പേരാണ് അപകടത്തിൽ ഹിറ്റാച്ചിക്കുള്ളിൽ കുടുങ്ങിയത്. ഇവരിൽ ഒരാളുടെ മൃതദേഹമാണ് പുറത്തെടുത്തത്. ഒരാൾ ഇപ്പോഴും കുടുങ്ങിക്കിടക്കുകയാണ്. ഒഡിഷ, ബിഹാർ സ്വദേശികളായ മഹാദേവ്, അജയ് റായ് എന്നിവരാണ് പാറ വീണുണ്ടായ അപകടത്തിൽ അകപ്പെട്ടത്. വഴിവെട്ടുന്നതിനിടെ പാറയിടിഞ്ഞ് ഹിറ്റാച്ചിക്ക് മുകളിലേക്ക് വീഴുകയായിരുന്നു.
രക്ഷാദൗത്യത്തിനായി എൻഡിആർഎഫ് സംഘം എത്തും. ഉച്ചഭക്ഷണത്തിന് ശേഷം ഷിഫ്റ്റ് പ്രകാരം ജോലിക്ക് കയറിയവരാണ് അപകടത്തിൽ പെട്ടത്. അപകടം നടന്ന സ്ഥലത്തേക്ക് എത്തുന്നത് വളരെ പ്രയാസകരമായിരുന്നു.
അതേസമയം, പയ്യനാമണ്ണിലെ ഈ പാറമടക്കെതിരെ നേരത്തെ പരാതി ഉയർന്നിട്ടുണ്ട്. ക്രഷറിന്റെ ലൈസൻസ് ഇക്കഴിഞ്ഞ ജൂൺ 30ന് അവസാനിച്ചിരുന്നു. പഞ്ചായത്ത് മുൻ അംഗം ബിജി കെ വർഗീസ് പാറമടക്കെതിരെ കോന്നി പഞ്ചായത്തിൽ പരാതി നൽകിയിരുന്നു.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link.
ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
