 "Konni Quarry Accident: കോന്നി പാറമട അപകടം: വീണ്ടും പാറ ഇടിഞ്ഞ് വീഴുന്നു, ദൗത്യസംഘം തൽകാലം പിന്മാറി")
)
കോന്നി: പാറമട അപകടത്തില് രക്ഷാപ്രവര്ത്തനം താത്കാലികമായി നിര്ത്തിവെച്ചതായി റിപ്പോർട്ട്. അപകടം നടന്ന സ്ഥലത്ത് വീണ്ടും പാറ ഇടിഞ്ഞു വീണതോടെയാണ് രക്ഷാപ്രവര്ത്തനം നിര്ത്തിവെച്ചത്.
നിലവിലെ സാഹചര്യത്തില് രക്ഷാപ്രവര്ത്തനം ബുദ്ധിമുട്ടാണെന്ന് കണ്ടാണ് നിര്ത്തിവെച്ചത്. അപകടത്തിന് ശേഷം രക്ഷാപ്രവര്ത്തനം നടക്കുന്നതിനിടെ മൂന്ന് തവണ പാറമടയിടിഞ്ഞു. അതിനെ തുടർന്ന് ദൗത്യം താത്കാലികമായി നിര്ത്തിവെയ്ക്കാന് തീരുമാനിച്ചത്. കരുനാഗപ്പള്ളിയില് നിന്ന് വലിയ ക്രെയിന് എത്തിച്ചതിന് ശേഷം ദൗത്യം പുനഃരാരംഭിക്കുമെന്നാണ് റിപ്പോർട്ട്.
യന്ത്രസാമഗ്രികള് രണ്ടിടങ്ങളില് നിന്നാണ് എത്തിക്കേണ്ടത്. ആലപ്പുഴയില് നിന്ന് ഹിറ്റാച്ചിയും എത്തിക്കേണ്ടതുണ്ട്. ഉച്ചയ്ക്ക് ശേഷമെ ഇനി ദൗത്യം ആരംഭിക്കാന് സാധിക്കും എന്നാണ് റിപ്പോർട്ട്. രക്ഷാപ്രവര്ത്തനം ഇന്ന് രാവിലെ ഒമ്പതു മണിയോടെയാണ് തുടങ്ങിയത്. ഇന്നലെ ഉച്ചകഴിഞ്ഞ് മൂന്നു മണിയോടെയായിരുന്നു കോന്നി പയ്യനാമണില് ചെങ്കുളം പാറമടയില് പാറ ഇടിഞ്ഞ് അപകടമുണ്ടായത്.
പാറക്കൂട്ടത്തിന് അടിയില്പ്പെട്ട മറ്റൊരു തൊഴിലാളിയ്ക്കായുള്ള തിരച്ചിലാണ് ഇപ്പോള് നടക്കുന്നത്. ഝാര്ഖണ്ഡ്, ഒഡീഷ സ്വദേശികളാണ് അപകടത്തില്പ്പെട്ടത്. പാറ നീക്കംചെയ്യുന്നതിനിടെ ഹിറ്റാച്ചിയ്ക്ക് മുകളിലേയ്ക്ക് കല്ലുകള് ഇടിഞ്ഞുവീണാണ് അപകടമുണ്ടായത്. അപകടത്തില്പ്പെട്ടത് ഹിറ്റാച്ചി ഓപ്പറേറ്ററും ഹെല്പ്പറുമാണ്.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link.
ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
