 "Kollam Student Death: വിദ്യാര്ഥി ഷോക്കേറ്റു മരിച്ച സംഭവം; ഓവര്സിയറെ സസ്പെന്ഡ് ചെയ്ത് കെഎസ്ഇബി")
കൊല്ലത്ത് സ്കൂള് വിദ്യാര്ഥി ഷോക്കേറ്റു മരിച്ച സംഭവത്തില് ഓവര്സിയറെ കെഎസ്ഇബി സസ്പെന്ഡ് ചെയ്തു. തേവലക്കര ഡിവിഷനിലെ ഓവര്സിയറായ എസ്. ബിജുവിനെതിരെയാണ് നടപടി എടുത്തത്. വൈദ്യുതി മന്ത്രിക്ക് കെഎസ്ഇബി ചീഫ് എന്ജിനീയര് ആദ്യം നല്കിയ റിപ്പോര്ട്ടില് വീഴ്ചവരുത്തിയ ഉദ്യോഗസ്ഥരുടെ പേര് ഉള്പ്പെടുത്തിയിരുന്നില്ല. തുടർന്ന് വിശദമായ റിപ്പോര്ട്ട് വേണമെന്ന് മന്ത്രി ആവശ്യപ്പെട്ടു. ഇതിനു പിന്നാലെയാണ് ഇപ്പോൾ ഓവര്സിയറെ സസ്പെന്ഡ് ചെയ്തത്.
സ്കൂൾ ഷെഡിനു മുകളിൽ വീണ ചെരുപ്പെടുക്കാൻ കയറുമ്പോഴാണ് തേവലക്കര ബോയ്സ് ഹൈസ്കൂളിലെ എട്ടാം ക്ലാസ് വിദ്യാർഥി മിഥുൻ മനു (13) ഷോക്കേറ്റ് മരിച്ചത്. ചെരിപ്പ് എടുക്കാൻ ശ്രമിക്കുന്നതിനിടെ കാലുതെന്നിയപ്പോൾ വീഴാതിരിക്കാൻ പിടിച്ചത് താഴ്ന്നുകിടന്ന 440 വോൾട്ട് വൈദ്യുതി ലൈനിലായിരുന്നു. ഷോക്കേറ്റു ബോധം നഷ്ടമായി ഇതേ ലൈനിലേക്കു കമഴ്ന്നുവീഴുകയായിരുന്നു. തുടർന്ന് ആശുപത്രിയിലെത്തിച്ചെങ്കിലും മരണം സംഭവിച്ചു.
അതേസമയം, മിഥുൻ്റെ കുടുംബത്തിന് അഞ്ച് ലക്ഷം രൂപ കൂടി ധനസഹായം കൈമാറി. വൈദ്യുതി വകുപ്പ് മന്ത്രി കെ കൃഷ്ണൻകുട്ടി മിഥുൻ്റെ വീട്ടിൽ നേരിട്ട് എത്തിയാണ് തുക നൽകിയത്. നേരത്തെ അഞ്ച് ലക്ഷം രൂപ കെഎസ്ഇബി ധനസഹായം നൽകിയിരുന്നു. ആകെ പത്ത് ലക്ഷം രൂപ മിഥുന്റെ കുടുംബത്തിന് ലഭ്യമാക്കിയിട്ടുണ്ടെന്ന് മന്ത്രി കെ കൃഷ്ണൻകുട്ടി പറഞ്ഞു. പ്രാഥമിക റിപ്പോർട്ടിന്റെ അടിസ്ഥാനത്തിലാണ് ബോർഡ് ഓവർസിയർക്കെതിരെ നടപടി എടുത്തതെന്നും കുറ്റക്കാരായ എല്ലാവർക്കും എതിരെ നടപടി ഉണ്ടാകുമെന്നും അദ്ദേഹം അറിയിച്ചു.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link.
ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
)