 "MDMA Seized: നെയ്യാറ്റിൻകരയിൽ എംഡിഎംഎയുമായി നിയമ വിദ്യാർത്ഥി ഉൾപ്പെടെ രണ്ടുപേർ പിടിയിൽ")
തിരുവനന്തപുരം: നെയ്യാറ്റിൻകരയിൽ എംഡിഎംഎയുമായി നിയമ വിദ്യാർത്ഥി ഉൾപ്പെടെ രണ്ടുപേർ പിടിയിൽ. എക്സൈസ് നടത്തിയ മിന്നൽ പരിശോധനയിലാണ് പ്രതികൾ പിടിയിലായത്.
പ്രതികൾ സഞ്ചരിച്ച വാഹനവും പിടിച്ചെടുത്തു. കാരോട് ബൈപ്പാസിൽ നടത്തിയ പരിശോധനയിലാണ് വള്ളക്കടവ് സ്വദേശിയായ സിദ്ദിഖ് (34) നിയമ വിദ്യാർത്ഥിയായ പാറശാല സ്വദേശി സൽമാൻ (23) എന്നിവരെ പിടികൂടിയത്.
ALSO READ: നോമ്പുതുറയ്ക്കിടെ കഴുത്തിൽ കത്തി കുത്തിയിറക്കി; അരുംകൊല മൂന്ന് വയസുകാരി മകളുടെ മുന്നിൽവച്ച്
ഇവരിൽനിന്ന് 21 ഗ്രാം എംഡിഎംഎ കണ്ടെത്തി. ഇവർ സഞ്ചരിച്ച ബൈക്കും എക്സൈസ് സംഘം പിടിച്ചെടുത്തു. രണ്ടുദിവസം മുമ്പ് ബാംഗ്ലൂരിൽ എത്തിയ സിദ്ദിഖ് എംഡിഎംഎ വാങ്ങിയശേഷം റോഡ് മാർഗ്ഗം നാഗർകോവിലിൽ എത്തുകയായിരുന്നു. തുടർന്ന് സൽമാൻ ബൈക്കിൽ എത്തി സിദ്ദിഖിനെ കൂട്ടിക്കൊണ്ട് വരുന്നതിനിടയിലാണ് പിടിയിലായത്.
സിദ്ദിഖിനെതിരെ നെയ്യാറ്റിൻകര റേഞ്ച് പരിധിയിൽ മുൻപും കേസുണ്ട്. നെയ്യാറ്റിൻകര കാട്ടാക്കട താലൂക്കിളിലേയും നഗര ഹൃദയങ്ങളിലേയും സ്കൂൾ കോളേജ് കേന്ദ്രമാക്കി ലഹരിമരുന്ന് വിൽപ്പന നടത്തുന്ന സംഘത്തിലെ കണ്ണികളാണ് ഇവരെന്ന് എക്സൈസ് സംഘം വ്യക്തമാക്കി. സംസ്ഥാനത്ത് ലഹരി ഉപയോഗവും വിൽപ്പനയും വർധിച്ച സാഹചര്യത്തിൽ പോലീസും എക്സൈസും പരിശോധന ശക്തമാക്കി.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ... ios Link - https://apple.co/3hEw2hy
ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. അപ്ഡേറ്റുകൾ അറിയാൻ സീ മലയാളം ന്യൂസ് വാട്സാപ്പ് ചാനൽ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
