 "Accident Death: മണ്ണുമാന്തിയന്ത്രം മറിഞ്ഞ് അപകടം; പത്തനംതിട്ടയിൽ യുവാവിന് ദാരുണാന്ത്യം")
പത്തനംതിട്ട: മണ്ണുമാന്തിയന്ത്രം മറിഞ്ഞുണ്ടായ അപകടത്തിൽ ഇതര സംസ്ഥാനത്തൊഴിലാളിയായ യുവാവ് മരിച്ചു. ദേശീയപാത നിർമാണത്തിന് ആവശ്യമായ മണ്ണെടുക്കുന്നതിനിടെയുണ്ടായ അപകടത്തിലാണ് യുവാവിന് ജീവൻ നഷ്ടമായത്. കുളനട കടലിക്കുന്ന് വട്ടയം ഭാഗത്ത് ഉച്ചയ്ക്ക് രണ്ടരയോടെയായിരുന്നു അപകടം. യുവാവ് ഇന്ന് പുതുതായി ജോലിയിൽ പ്രവേശിച്ചതേയുണ്ടായിരുന്നുള്ളൂ.
മണ്ണെടുക്കുന്നതിനിടെ മണ്ണുമാന്തിയന്ത്രത്തിന്റെ നിയന്ത്രണം നഷ്ടപ്പെട്ട് മറിയുകയായിരുന്നു. ഇതിനിടയിൽ അകപ്പെട്ട യുവാവ് സംഭവ സ്ഥലത്ത് വച്ച് തന്നെ മരിച്ചു. ചെങ്ങന്നൂർ, അടൂർ എന്നിവടങ്ങളിൽ നിന്നുള്ള അഗ്നിരക്ഷാ സംഘമെത്തിയാണ് മൃതദേഹം പുറത്തെടുത്തത്. പത്തനംതിട്ട ജില്ലാ ആശുപത്രിയിലേക്ക് മൃതദേഹം മാറ്റി. ഇലവുംതിട്ട പൊലീസ് സ്ഥലത്തെത്തി പരിശോധന നടത്തി.
ADGP MR Ajith Kumar: എഡിജിപി അജിത് കുമാറിന് വിശിഷ്ട സേവനത്തിന് ശുപാര്ശ; ശുപാർശ നൽകുന്നത് ആറാം തവണ
തിരുവനന്തപുരം: എഡിജിപി എംആര് അജിത് കുമാറിന് വിശിഷ്ട സേവനത്തിന് വീണ്ടും ശുപാര്ശ നൽകി ഡിജിപി. രാഷ്ട്രപതിയുടെ വിശിഷ്ട സേവനത്തിനുള്ള മെഡലിനായി ആറാം തവണയാണ് അജിത്കുമാറിനെ ശുപാർശ ചെയ്യുന്നത്. നേരത്തെ അഞ്ച് തവണ നൽകിയ ശുപാർശയും കേന്ദ്രം തള്ളുകയായിരുന്നു. ഇന്റലിജന്സ് ബ്യൂറോ റിപ്പോര്ട്ട് അജിത് കുമാറിനെതിരായതിനെ തുടർന്നായിരുന്നു കേന്ദ്രം ശുപാർശ തള്ളിയത്.
അജിത് കുമാറിന്റെ ഡിജിപിയിലേക്കുള്ള സ്ഥാനക്കയറ്റത്തിന് രണ്ട് മാസം മാത്രം ബാക്കി നിൽക്കെയാണ് വിശിഷ്ട സേവനത്തിനുള്ള ശുപാർശ നൽകിയിരിക്കുന്നത്. എഡിജിപിയുടെ ജൂനിയർ ഉദ്യോഗസ്ഥർക്ക് ഉൾപ്പെടെ നേരത്തെ മെഡൽ ലഭിച്ചിരുന്നു. ഒന്നര മാസം മുൻപ് ശുപാർശ നൽകിയിരുന്നു.
അതേസമയം മെഡലിന് വേണ്ടിയാണ് അജിത് കുമാർ ആര്എസ്എസ് നേതാക്കളുമായി കൂടിക്കാഴ്ച നടത്തിയതെന്നായിരുന്നു നേരത്തെ ഉയർന്നിരുന്ന ആക്ഷേപം. വിജിലൻസ് അന്വേഷണം നേരിടുന്നത് സംബന്ധിച്ചുള്ള വിവരം ഡിജിപിയുടെ ശുപാർശയിലും പറഞ്ഞിരുന്നു. ഇതിന് ശേഷമാണ് അനധികൃത സ്വത്ത് സമ്പാദനവുമായി ബന്ധപ്പെട്ട ആരോപണത്തിൽ അജിത് കുമാറിന് സർക്കാരും ക്ലീൻ ചിറ്റ് നൽകിയത്.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില് വാര്ത്തകള് ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ... ios Link - https://apps.apple.com/us/app/zee-malayalam-news/id1634552220 . Android Link- https://play.google.com/store/apps/details?id=com.indiadotcom.zeemalayalam
ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. അപ്ഡേറ്റുകൾ അറിയാൻ സീ മലയാളം ന്യൂസ് വാട്സാപ്പ് ചാനൽ സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
)