Minister P Rajeev: തോന്നയ്ക്കലിലെ കിൻഫ്ര മിനി ഇൻഡസ്ട്രിയൽ പാർക്ക് ഉദ്ഘാടനം ചെയ്ത് സംസാരിക്കുകയായിരുന്നു അദേഹം
)
തിരുവനന്തപുരം: കേരളത്തിലെ ചെറുപ്പക്കാർക്ക് നാട് വിടേണ്ടി വരില്ലെന്നും തൊഴിലവസരം വർദ്ധിക്കുമെന്നും വ്യവസായ വകുപ്പ് മന്ത്രി പി രാജീവ്. തോന്നയ്ക്കലിലെ കിൻഫ്ര മിനി ഇൻഡസ്ട്രിയൽ പാർക്ക് ഉദ്ഘാടനം ചെയ്ത് സംസാരിക്കുകയായിരുന്നു അദേഹം. തോന്നയ്ക്കലില് 2011ല് ഗ്ലോബല് ആയുര്വേദ പാര്ക്കിനായി ഏറ്റെടുത്ത സ്ഥലത്താണ് ഇപ്പോള് മിനി ഇന്ഡസ്ട്രിയല് പാര്ക്ക് സ്ഥാപിച്ചിരിക്കുന്നത്. അന്നുമുതല് വെറുതേ കിടന്ന സ്ഥലം 2023ലാണ് മറ്റാവശ്യത്തിന് ഉപയോഗിക്കാനാകും വിധത്തില് സ്വഭാവം മാറ്റി അനുമതി ലഭ്യമാക്കിയത്. പാര്ക്കില് അടിസ്ഥാന സൗകര്യങ്ങള് വികസിപ്പിച്ച ഉടന് തന്നെ മുഴുവന് യൂണിറ്റുകളും സംരംഭകര്ക്ക് കൈമാറാനായി എന്നത് ശ്രദ്ധേയമാണെന്ന് മന്ത്രി പറഞ്ഞു. വ്യവസായ പാര്ക്കുകള്ക്ക് സ്ഥലം ഏറ്റെടുക്കുമ്പോള് റോഡ് ഉള്പ്പെടെയുള്ള അടിസ്ഥാന സൗകര്യങ്ങള്കൂടി പരിഗണിക്കേണ്ടത് അത്യാവശ്യമാണെന്നും മന്ത്രി പറഞ്ഞു.
പലതരത്തിലുള്ള വാഹനങ്ങള്ക്ക് പാര്ക്കിലേക്ക് എത്തിച്ചേരേണ്ടതുണ്ട്. അതിനുള്ള സൗകര്യം കൂടി ഉള്ളയിടത്തായിരിക്കണം പാര്ക്കുകള് വികസിപ്പേക്കണ്ടതെന്നും അദേഹം വ്യക്തമാക്കി. കേരളത്തില് വ്യവസായ സംരഭകര്ക്ക് നിക്ഷേപത്തിനുള്ള അന്തരീക്ഷം ഇപ്പോള് അനുകൂലമാണ്. ഇന്വെസ്റ്റ് കേരള ആഗോള നിക്ഷേപക സംഗമത്തില് ഉണ്ടായ നിക്ഷേപ വാഗ്ദാനങ്ങളില് 17 എണ്ണം ഈ മാസം നിര്മാണം തുടങ്ങുമെന്നും സംഗമത്തില് വന്ന വ്യവസായ നിര്ദ്ദേശങ്ങള് യഥാര്ഥ്യമാക്കാന് പ്രത്യേകം ടീം തന്നെ സൂക്ഷ്മമായ പരിശോധനകള് നടത്തി ആവശ്യമായ നടപടികള് കൈക്കൊണ്ടുവരികയാണെന്നും മന്ത്രി പറഞ്ഞു. ഇത്തരത്തില് വ്യവസായ അന്തരീക്ഷം മാറുകയും കൂടുതല് സംരംഭങ്ങള് വരികയും ചെയ്യുന്നതോടെ കേരളത്തിലെ ചെറുപ്പക്കാര്ക്ക് ഇവിടെത്തന്നെ ജോലി കണ്ടെത്താനുള്ള അവസരങ്ങളും വര്ധിക്കുമെന്ന് മന്ത്രി ചൂണ്ടിക്കാട്ടി.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link.
ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
