 "Monson Mavunkal: മകളുടെ വിവാഹത്തിൽ പങ്കെടുക്കാനായി മോൻസൺ മാവുങ്കലിന് ഇടക്കാല ജാമ്യം")
കൊച്ചി: പുരാവസ്തു തട്ടിപ്പുകേസിലെ പ്രതി മോന്സണ് മാവുങ്കലിന് ഇടക്കാല ജാമ്യം അനുവദിച്ച് ഹൈക്കോടതി. വ്യാഴാഴ്ച നടക്കുന്ന മകളുടെ വിവാഹത്തില് പങ്കെടുക്കാനാണ് കോടതി മോന്സണ് മാവുങ്കലിന് ജാമ്യം അനുവദിച്ചിരിക്കുന്നത്.
Also Read: ഹൈബ്രിഡ് കഞ്ചാവ് കേസ്: ശ്രീനാഥ് ഭാസിയുടെ രഹസ്യമൊഴി രേഖപ്പെടുത്തി
ജാമ്യം ഒരാഴ്ചത്തേക്കാണ്. ജാമ്യം അനുവദിച്ചത് ജസ്റ്റിസുമാരായ പി ഗോപിനാഥ്, ബസന്ത് ബാലാജി എന്നിവരടങ്ങുന്ന ഡിവിഷന് ബെഞ്ചാണ്. 2021 സെപ്റ്റംബര് മുതല് കസ്റ്റഡിയില് കഴിയുന്ന പ്രതിയായ മോന്സണ് മാവുങ്കലിന്റെ ഭാര്യ കഴിഞ്ഞ വര്ഷം മരണപ്പെട്ടതുകൂടി പരിഗണിച്ചാണ് കോടതി ജാമ്യം നല്കിയിരിക്കുന്നത്.
ഒരുലക്ഷം രൂപയുടെ സ്വന്തം ജാമ്യത്തിലും സമാന തുകയ്ക്കുളള രണ്ടുപേരുടെ ആള്ജാമ്യത്തിന്റെ അടിസ്ഥാനത്തിലുമാണ് ജാമ്യം അനുവദിച്ചിരിക്കുന്നത്. സംസ്ഥാനം വിട്ടു പോകരുതെന്നും മെയ് 11 ന് ചേര്ത്തല പോലീസ് സ്റ്റേഷനില് ഹാജരാകണമെന്നും ജാമ്യം നല്കിയുളള കോടതി ഉത്തരവില് പറയുന്നുണ്ട്.
Also Read: ഗജകേസരി യോഗത്താൽ ഇവർക്കിനി വച്ചടി വച്ചടി കയറ്റം
ഒരു കാരണവശാലും ഇടക്കാല ജാമ്യം നീട്ടില്ലെന്നും വിയ്യൂര് ജയിലില് മെയ് 14 ന് വൈകുന്നേരം 5 മണിക്ക് മുന്പ് റിപ്പോര്ട്ട് ചെയ്യണമെന്നും കോടതി നിര്ദേശമുണ്ട്. ഹര്ജി വീണ്ടും 19 ന് പരിഗണിക്കും. മോന്സണ് മാവുങ്കല് പോക്സോ കേസിലും പ്രതിയാണ്. ജീവനക്കാരിയുടെ മകളെ പീഡിപ്പിച്ച സംഭവത്തിലാണ് ഇയാള്ക്കെതിരെ പോക്സോ കേസുളളത്. പുരാവസ്തു വില്പ്പനക്കാരനെന്ന പേരില് പലരില് നിന്നായി പത്തുകോടി രൂപയോളം തട്ടിയെടുത്തു എന്നാണ് മോന്സണ് മാവുങ്കലിനെതിയുള്ള കേസ്.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില് വാര്ത്തകള് ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ... ios Link - https://apps.apple.com/us/app/zee-malayalam-news/id1634552220 . Android Link- https://play.google.com/store/apps/details?id=com.indiadotcom.zeemalayalam
ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. അപ്ഡേറ്റുകൾ അറിയാൻ സീ മലയാളം ന്യൂസ് വാട്സാപ്പ് ചാനൽ സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
