Suicide Death: കരുനാ​ഗപ്പള്ളിയിൽ തീകൊളുത്തി ആത്മഹത്യാശ്രമം; അമ്മയ്ക്ക് പിന്നാലെ മക്കളും മരിച്ചു

കുടുംബ പ്രശ്നങ്ങളാണ് ആത്മഹത്യയ്ക്ക് കാരണമെന്നാണ് പ്രാഥമിക നി​ഗമനം.

കൊല്ലം: കരുനാ​ഗപ്പള്ളിയിൽ തീപൊള്ളലേറ്റ് മരിച്ച അമ്മയ്ക്ക് പിന്നാലെ മക്കളും മരിച്ചു. ഗുരുതരമായ പരിക്കേറ്റ് ചികിത്സയിലായിരുന്ന അനാമിക (7), ആത്മിക (ഒന്നര) എന്നിവരാണ് മരിച്ചത്. പൊള്ളലേറ്റ് ചികിത്സയിലായിരുന്ന കുട്ടികളുടെ അമ്മ കരുനാ​ഗപ്പള്ളി സ്വദേശി താര നേരത്തെ മരിച്ചിരുന്നു. ​

Add Zee News as a Preferred Source

കരുനാഗപ്പള്ളി ആദിനാട് വടക്കാണ് സംഭവം. ആറ് വയസും ഒന്നരയും വയസുമുള്ള പെൺമക്കളെ ഒപ്പം നിർത്തിയാണ് താര മണ്ണെണ്ണ ഒഴിച്ച് തീകൊളുത്തിയത്. മൂന്ന് പേരെയും ആലപ്പുഴ വണ്ടാനം മെഡിക്കൽ കോളേജ് ആശുപത്രിയിലാണ് പ്രവേശിപ്പിച്ചത്. 

കുടുംബ പ്രശ്നങ്ങളെ തുടർന്നാണ് ആത്മഹത്യ എന്നാണ് പ്രാഥമിക നിഗമനം. പ്രവാസിയായ ഭർത്താവ് ഇന്ന് വിദേശത്ത് നിന്ന്  മടങ്ങിവരാനിരിക്കെയാണ് സംഭവം. ഭർത്താവിൻ്റെ വീട്ടുകാരുമായി സ്വത്ത് തർക്കങ്ങൾ നിലനിന്നിരുന്നതായി പൊലീസ് വ്യക്തമാക്കി. മൃതദേഹം വണ്ടാനം മെഡിക്കല്‍ കോളേജില്‍ സൂക്ഷിച്ചിരിക്കുകയാണ്.