Kerala Heavy Rain: കനത്ത മഴയെ തുടർന്ന് സംസ്ഥാനത്തെ അണക്കെട്ടുകളിലേക്കുള്ള നീരൊഴുക്ക് തുടരുകയാണ്.
 "Red Alert In Kerala: സംസ്ഥാനത്ത് മഴ ശക്തം; മുല്ലപ്പെരിയാർ ഡാം നാളെ തുറക്കും")
ഇടുക്കി: മഴ ശക്തമായി തുടരുന്ന സാഹചര്യത്തിൽ മുല്ലപ്പെരിയാർ അണക്കെട്ടിന്റെ ജലനിരപ്പ് ഉയർന്നു. നാളെ മുല്ലപ്പെരിയാർ അണക്കെട്ട് തുറക്കും. 0.15 അടി ജലനിരപ്പ് കൂടി ഉയർന്നാൽ 136 അടിയാകും. ഡാമിലേക്കുള്ള നീരൊഴുക്ക് തുടർന്നാൽ രാത്രി 10 മണിയോടെ ജലനിരപ്പ് 136 അടിയാകുമെന്നാണ് നിഗമനം. കനത്ത മഴയെ തുടർന്ന് സംസ്ഥാനത്തെ അണക്കെട്ടുകളിലേക്കുള്ള നീരൊഴുക്ക് തുടരുകയാണ്.
നിലവിൽ കെഎസ്ഇബിക്ക് കീഴിലുള്ള എട്ട് ഡാമുകളിൽ റെഡ് അലർട്ട് പുറപ്പെടുവിച്ചിരിക്കുകയാണ്. പൊന്മുടി, മൂഴിയാർ, ഇരട്ടയാർ, കല്ലാർകുട്ടി, പെരിങ്ങൽക്കുത്ത്, ലോവർ പെരിയാർ, ബാണാസുര സാഗർ, കുറ്റ്യാടി എന്നീ അണക്കെട്ടുകളിലാണ് റെഡ് അലർട്ട് പുറപ്പെടുവിച്ചിരിക്കുന്നത്. ഇരട്ടയാറിൽ പരമാവധിക്ക് മുകളിലാണ് നിലവിലെ ജലനിരപ്പ്.
ലോവർ പെരിയാറിൽ സംഭരണശേഷിയുടെ 97.16 ശതമാനം വെള്ളമാണുള്ളത്. ഇവിടെ നിന്ന് സെക്കന്റിൽ 192 ഘനമീറ്റർ എന്ന നിരക്കിൽ വെള്ളം പുറത്തേക്ക് ഒഴുക്കുകയാണ്. കല്ലാർകുട്ടിയിൽ സംഭരണശേഷിയുടെ 96.72 ശതമാനം വെള്ളമാണ് ഉള്ളത്. സെക്കൻഡിൽ 108 ഘനമീറ്റർ നിരക്കിലാണ് വെള്ളം പുറത്തേക്ക് ഒഴുക്കുന്നത്. ജലസേചന വകുപ്പിന്റെ കീഴിലുള്ള പാലക്കാട് മീങ്കര ഡാമിലും റെഡ് അലർട്ട് ആണ്.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link.
ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
)