 "Cocaine Seized: ഓറിയോ ബിസ്ക്കറ്റിലും ചോക്ലേറ്റ് ബോക്സുകളിലും ഒളിപ്പിച്ച് ലഹരി; 62 കോടി രൂപയുടെ കൊക്കെയ്ൻ പിടികൂടി")
മുംബൈ: മുംബൈ വിമാനത്താവളത്തിൽ വൻ ലഹരിവേട്ട. 62.6 കോടി രൂപയുടെ മയക്കുമരുന്ന് പിടികൂടി. ദോഹയിൽ നിന്നെത്തിയ ഇന്ത്യൻ യാത്രക്കാരിയുടെ പക്കൽ നിന്നാണ് വൻ തോതിൽ മയക്കുമരുന്ന് പിടികൂടിയത്. 6.26 കിലോഗ്രാം കൊക്കെയ്നാണ് യുവതിയിൽ നിന്ന് പിടികൂടിയത്.
ജൂലൈ 14ന് ദോഹയിൽ നിന്ന് എത്തിയ യാത്രക്കാരിയുടെ കൈവശം കൊക്കെയ്ൻ ഉണ്ടെന്ന രഹസ്യവിവരത്തിന്റെ അടിസ്ഥാനത്തിൽ ഡിആർഐ (ഡയറക്ടറേറ്റ് ഓഫ് റവന്യൂ ഇന്റലിജൻസ്) നടത്തിയ പരിശോധനയിലാണ് ഇവരെ പിടികൂടിയത്. മൂന്ന് ചോക്ലേറ്റ് പെട്ടികളും ഓറിയോ ബിസ്ക്കറ്റിന്റെ മൂന്ന് പെട്ടികളുമാണ് യാത്രക്കാരിയുടെ കൈവശം ഉണ്ടായിരുന്നത്.
ചോക്ലേറ്റ് പെട്ടികളിലും ഓറിയോ ബിസ്ക്കറ്റിന് ഉള്ളിലും ക്യാപ്സൂളുകളായാണ് കൊക്കെയ്ൻ ഒളിപ്പിച്ചിരുന്നത്. യാത്രക്കാരിയിൽ നിന്ന് ആകെ 300 ക്യാപ്സൂളുകളാണ് പിടികൂടിയതെന്ന് ഡിആർഐ അധികൃതർ വ്യക്തമാക്കി. 62.6 കോടി രൂപ വിലവരുന്ന കൊക്കെയ്നാണ് യാത്രക്കാരിയിൽ നിന്ന് പിടികൂടിയത്.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link.
ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
)