IB Officer's Death: ഐബി ഉദ്യോഗസ്ഥയുടെ മരണത്തിൽ ദുരൂഹതയേറുന്നു; മേഘ അവസാനം വിളിച്ചത് ആരെ?

തിരുവനന്തപുരം: എമിഗ്രെഷൻ വിഭാഗം ഐബി ഉദ്യോഗസ്ഥ ട്രെയിൻ തട്ടി മരിച്ച സംഭവത്തിൽ ദുരൂഹത ഏറുന്നു. ഇന്നലെയാണ് ഐബി ഉദ്യോഗസ്ഥ മേഘയെ മരിച്ച നിലയിൽ കണ്ടെത്തിയത്. മേഘ നൈറ്റ് ഡ്യൂട്ടി കഴിഞ്ഞ് ഇന്നലെ രാവിലെ ഇറങ്ങിയതായിരുന്നു. 

Add Zee News as a Preferred Source

തിരുവനന്തപുരത്തേക്ക് വരികയായിരുന്ന ജയന്തി ജനത എക്സ്പ്രസ് ഇടിച്ചാണ് മേഘ മരിച്ചത്. ഫോണിൽ സംസാരിച്ചു കൊണ്ട് ട്രാക്കിലൂടെ നടക്കുകയായിരുന്ന മേഘ ട്രെയിൻ വരുന്നത് കണ്ട് പെട്ടെന്ന് ട്രാക്കിനു കുറുകെ തല വച്ച് കിടക്കുകയായിരുന്നു എന്നാണ് ലോക്കോ പൈലറ്റ് പറഞ്ഞത്. അതുകൊണ്ടുതന്നെ ആ സമയം മേഘ ആരോടാണ് സംസാരിച്ചത് എന്ന അന്വേഷണത്തിലാണ് പോലീസ്.  അപകടത്തിൽ മേഘയുടെ മൊബൈൽ പൂർണമായും തകർന്നതായിട്ടാണ് റിപ്പോർട്ട്. 

സൈബർ സെല്ലിന്റെ സഹായത്തോടെ വിവരങ്ങൾ ശേഖരിക്കാനാണ് പോലീസ് നീക്കം. മെഡിക്കൽ കോളേജ് ആശുപത്രിയിൽ പോസ്റ്റുമോർട്ടം നടത്തിയ ശേഷം മൃതദേഹം ബന്ധുക്കൾക്ക് കൈമാറിയിരുന്നു. ഫൊറൻസിക് സയൻസ് കോഴ്സ് പൂർത്തിയാക്കിയ മേഘ കഴിഞ്ഞ വർഷമാണ് ജോലിയിൽ പ്രവേശിച്ചത്.