Nimisha Priya Death Sentence Updates: കൊല്ലപ്പെട്ട തലാലിന്റെ കുടുംബത്തെ കണ്ട് മാപ്പപേക്ഷിക്കുന്നതിനും ദിയാധന ചര്ച്ചകള് നടത്തുന്നതിനുമാണ് സംഘത്തെ നിയോഗിക്കാന് ആക്ഷന് കൗണ്സില് ആവശ്യപ്പെടുന്നത്.
കോഴിക്കോട്: യെമനിൽ വധശിക്ഷ വിധിച്ചു കഴിയുന്ന പാലക്കാട് സ്വദേശി നിമിഷപ്രിയയുടെ മോചനത്തിനായി ആറംഗ നയതന്ത്ര സംഘത്തെ കേന്ദ്ര സര്ക്കാര് നിയോഗിക്കണമെന്ന് സേവ് നിമിഷപ്രിയ ഇന്റര്നാഷണല് ആക്ഷന് കൗണ്സില് ആവശ്യപ്പെട്ടു. ഈ ആവശ്യം സുപ്രീം കോടതിയില് ആക്ഷന് കൗണ്സില് അറിയിക്കും.
ഇതിൽ രണ്ടുപേര് ആക്ഷന് കൗണ്സില് പ്രതിനിധികളും, രണ്ടുപേര് കാന്തപുരം അബൂബക്കര് മുസ്ലിയാറിന്റെ പ്രതിനിധികളും രണ്ടു പേര് കേന്ദ്രസര്ക്കാര് നിര്ദേശിക്കുന്ന ഉദ്യോഗസ്ഥരും എന്ന രീതിയിലുള്ള സംഘത്തെ നിയോഗിക്കാനായിരിക്കും കൗണ്സില് സുപ്രീം കോടതിയിൽ ആവശ്യപ്പെടുക.
ആക്ഷന് കൗണ്സില് പ്രതിനിധികളായി സുപ്രീം കോടതി അഭിഭാഷകനും കൗണ്സില് നിയമോപദേഷ്ടാവുമായ അഡ്വ. സുഭാഷ് ചന്ദ്രന് കെ ആര്, കൗണ്സില് ട്രഷറര് കുഞ്ഞമ്മദ് കൂരാച്ചുണ്ട് എന്നിവരെയും മര്കസ് പ്രതിനിധികളായി അന്താരാഷ്ട്ര തലത്തില് ഇടപെടുന്ന മുസ്ലിം പണ്ഡിതന് അഡ്വ. ഹുസൈന് സഖാഫി, യെമന് ബന്ധമുള്ള വ്യക്തിയായ ഹാമിദ് എന്നിവരെയും നയതന്ത്ര സംഘത്തില് ഉള്പെടുത്തണമെന്നും ആവശ്യപ്പെടുമെന്നും റിപ്പോർട്ടുണ്ട്.
കൊല്ലപ്പെട്ട തലാലിന്റെ കുടുംബത്തെ കണ്ട് മാപ്പപേക്ഷിക്കുന്നതിനും ദിയാധന ചര്ച്ചകള് നടത്തുന്നതിനുമാണ് സംഘത്തെ നിയോഗിക്കാന് ആക്ഷന് കൗണ്സില് ആവശ്യപ്പെടുന്നത്. ആക്ഷന് കൗണ്സില് നല്കിയ കേസ് ഇന്ന് സുപ്രീം കോടതി പരിഗണിക്കും ആ സമയം ഈ ആവശ്യം അറിയിക്കും.
കേസ് പരിഗണിക്കുന്നത് ജസ്റ്റിസ് വിക്രംനാഥാണ്. ഇന്ന് രാവിലെ 10.30 ന് അറ്റോര്ണി ജനറല് ആര് വെങ്കിട്ടരമണി കേസ് കോടതി മുന്പാകെ ഉന്നയിക്കുമെന്ന് റിപ്പോർട്ട് ലഭിച്ചിരുന്നു. വധശിക്ഷ മാറ്റിവെച്ച വിവരം ആക്ഷന് കൗണ്സിലും കേന്ദ്ര സര്ക്കാരും സുപ്രീം കോടതിയെ അറിയിക്കും. ഇതിനിടയിൽ നിമിഷപ്രിയയുടെ വധശിക്ഷയുമായി ബന്ധപ്പെട്ട് കുടുംബവുമായി ചര്ച്ചകള് നടക്കുന്നുവെന്ന വാര്ത്തകള് തള്ളി തലാലിന്റെ സഹോദരന് ഫത്താഹ് അബ്ദുള് മഹ്ദി രംഗത്തെത്തി.
കുടുംബം ആരുമായും ചര്ച്ച നടത്തിയിട്ടില്ലെന്നും മാധ്യമവാര്ത്തകള് തെറ്റാണെന്നും സഹോദരന് ഫേസ്ബുക്കില് പങ്കുവെച്ച പോസ്റ്റില് വ്യക്തമാക്കിയിരുന്നു. മലയാളത്തിലും അറബിയിലുമാണ് ഫത്താഹ് അബ്ദുള് മഹ്ദിയുടെ പോസ്റ്റ്. നിമിഷയുടെ വധശിക്ഷ തങ്ങളുടെ കുടുംബത്തിന്റെ അവകാശമാണെന്നും വധശിക്ഷ നടപ്പാക്കണമെന്ന നിലപാടില് ഉറച്ചു നില്ക്കുകയാണെന്നും തലാലിന്റെ സഹോദരന് കുറിച്ചിട്ടുണ്ട്. കുറ്റക്കാരിയായ നിമിഷപ്രിയയെ ഇന്ത്യന് മാധ്യമങ്ങള് പ്രത്യേകിച്ച് കേരളത്തിലെ മാധ്യമങ്ങള് പാവമായാണ് ചിത്രീകരിക്കുന്നതെന്നും ഫത്താഹ് കുറ്റപ്പെടുത്തിയിരുന്നു.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link.
ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
)