 "Nipah Cases Kerala: നിപ സ്ഥിരീകരിച്ച വ്യക്തിയുടെ റൂട്ട് മാപ്പ് തയ്യാറാക്കി; സംസ്ഥാനത്ത് 723 പേര് സമ്പര്ക്കപ്പട്ടികയില്")
)
തിരുവനന്തപുരം: പാലക്കാട് നിപ ബാധിച്ച് മരണമടഞ്ഞയാളുടെ മകന് പ്രാഥമിക പരിശോധനയില് നിപ സംശയിച്ചതോടെ റൂട്ട് മാപ്പ് തയ്യാറാക്കി. പ്രതിരോധ പ്രവര്ത്തനങ്ങള് ശക്തമാക്കിയതായും ആരോഗ്യവകുപ്പ് മന്ത്രി വീണാ ജോര്ജ് അറിയിച്ചു. മഞ്ചേരി മെഡിക്കല് കോളേജില് നടത്തിയ പ്രാഥമിക പരിശോധനയിലാണ് മരിച്ചയാളുടെ മകനും നിപ സംശയിച്ചത്.
നിപ ബാധിച്ചിട്ടുണ്ടോയെന്ന് ഉറപ്പുവരുത്താൻ തുടര് പരിശോധനകൾ നടത്തും. മരിച്ച വ്യക്തിയുടെ സമ്പര്ക്ക പട്ടികയിലുള്ള ഇദ്ദേഹം ഐസൊലേഷനില് ചികിത്സയിൽ ആയിരുന്നു. ഇദ്ദേഹത്തിന്റെ ഫാമിലി ട്രീയും തയ്യാറാക്കിയിട്ടുണ്ട്. കുടുംബത്തിന് മാനസിക പിന്തുണ ഉറപ്പാക്കുമെന്നും ആരോഗ്യവകുപ്പ് മന്ത്രി പറഞ്ഞു.
ആവശ്യമായ എല്ലാവര്ക്കും മാനസിക പിന്തുണ ഉറപ്പാക്കാന് നിര്ദേശം നല്കിയിട്ടുണ്ട്. നിപ സമ്പര്ക്കപ്പട്ടികയില് വിവിധ ജില്ലകളിലായി ആകെ 723 പേരാണ് ഉള്ളത്. പുതിയതായി നിപ സംശയിക്കുന്ന വ്യക്തിയുടെ സമ്പര്ക്കപ്പട്ടികയിലുള്ളത് 51 പേരാണ്. മലപ്പുറം ജില്ലയില് 212 പേരും പാലക്കാട് 394 പേരും കോഴിക്കോട് 114 പേരും എറണാകുളത്ത് 2 പേരും തൃശൂരില് ഒരാളുമാണ് സമ്പര്ക്കപ്പട്ടികയിൽ ഉള്ളത്.
മലപ്പുറത്ത് 10 പേര് ഐസൊലേഷനില് ചികിത്സയിൽ തുടരുകയാണ്. മലപ്പുറം ജില്ലയില് ഇതുവരെ 84 സാമ്പിളുകള് നെഗറ്റീവ് ആയി. പാലക്കാട് 7 പേര് ഐസൊലേഷനില് ചികിത്സയിൽ തുടരുകയാണ്. സംസ്ഥാനത്ത് ആകെ 38 പേര് ഹൈയസ്റ്റ് റിസ്കിലാണ്. 142 പേര് ഹൈ റിസ്ക് വിഭാഗത്തിൽ നിരീക്ഷണത്തിലാണ്. സ്ഥിതിഗതികൾ വിലയിരുത്താൻ മന്ത്രി വീണാ ജോര്ജിന്റെ നേതൃത്വത്തില് ഉന്നതതല യോഗം ചേര്ന്നു.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link.
ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
