 "Nipah Contact List: നിപ സമ്പര്ക്കപ്പട്ടികയില് സംസ്ഥാനത്ത് ആകെ 675 പേര്; 178 പേര് പാലക്കാട്")
തിരുവനന്തപുരം: സംസ്ഥാനത്ത് ആകെ 675 പേരാണ് വിവിധ ജില്ലകളിലായി നിപ സമ്പര്ക്കപ്പട്ടികയില് ഉള്ളതെന്ന് ആരോഗ്യ വകുപ്പ് മന്ത്രി വീണാ ജോര്ജ്. ഇവരിൽ 178 പേര് പാലക്കാട് നിപ റിപ്പോര്ട്ട് ചെയ്ത രണ്ടാമത്തെ വ്യക്തിയുടെ സമ്പര്ക്കപ്പട്ടികയിലുള്ളവരാണ്. മലപ്പുറം ജില്ലയില് 210, പാലക്കാട് 347, കോഴിക്കോട് 115, എറണാകുളം 2, തൃശൂർ 1 എന്നിങ്ങനെയാണ് സമ്പർക്കപ്പട്ടികയിലുള്ളവരുടെ എണ്ണം.
മലപ്പുറത്ത് 13 പേർ ഐസിയുവിൽ ചികിത്സയിലാണ്. മലപ്പുറം ജില്ലയില് ഇതുവരെ 82 സാമ്പിളുകള് നെഗറ്റീവ് ആയി. പാലക്കാട് 12 പേര് ഐസൊലേഷനില് ചികിത്സയിൽ തുടരുകയാണ്. അഞ്ച് പേർ ഡിസ്ചാർജ് ആയി. സംസ്ഥാനത്ത് ആകെ 38 പേരാണ് ഹൈയസ്റ്റ് റിസ്ക് വിഭാഗത്തിലുള്ളത്. 139 പേര് ഹൈ റിസ്ക് വിഭാഗത്തിൽ നിരീക്ഷണത്തിലാണ്.
ആരോഗ്യ വകുപ്പ് മന്ത്രി വീണാ ജോര്ജിന്റെ നേതൃത്വത്തില് ഉന്നതതല യോഗം ചേര്ന്ന് സ്ഥിതിഗതികൾ വിലയിരുത്തി. ഉന്നതതല യോഗത്തിൽ ആരോഗ്യ വകുപ്പ് അഡീഷണല് ചീഫ് സെക്രട്ടറി, എന്എച്ച്എം സ്റ്റേറ്റ് മിഷന് ഡയറക്ടര്, ആരോഗ്യ വകുപ്പ് ഡയറക്ടര്, മെഡിക്കല് വിദ്യാഭ്യാസ വകുപ്പ് ഡയറക്ടര്, അഡീഷണല് ഡയറക്ടര്മാര്, ജില്ലാ കളക്ടര്മാര്, ജില്ലാ മെഡിക്കല് ഓഫീസര്മാര്, പോലീസ് ഉദ്യോഗസ്ഥര്, വിവിധ വകുപ്പ് ഉദ്യോഗസ്ഥര് എന്നിവര് പങ്കെടുത്തു.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link.
ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
)