 "Nipah Kerala: സംസ്ഥാനത്ത് വീണ്ടും നിപ സ്ഥിരീകരിച്ചു; മൂന്ന് ജില്ലകളിൽ ജാഗ്രത നിർദേശം")
തിരുവനന്തപുരം: കേരളത്തിലെ രണ്ട് നിപ കേസുകളുമായി ബന്ധപ്പെട്ട് മൂന്ന് ജില്ലകളിൽ ജാഗ്രത നിർദേശം നൽകി. മൂന്ന് ജില്ലകളിൽ ജാഗ്രതാ നിർദേശം നൽകിയതായി ആരോഗ്യ വകുപ്പ് മന്ത്രി വീണാ ജോര്ജ് അറിയിച്ചു. കോഴിക്കോട്, മലപ്പുറം, പാലക്കാട് എന്നീ ജില്ലകളിലാണ് ജാഗ്രതാ നിര്ദേശം നല്കിയത്.
പാലക്കാട്, മലപ്പുറം ജില്ലകളിലാണ് നിപ റിപ്പോർട്ട് ചെയ്യപ്പെട്ടിട്ടുള്ളത്. മലപ്പുറം, കോഴിക്കോട് മെഡിക്കല് കോളേജുകളില് നടത്തിയ പരിശോധനയില് നിപ കണ്ടെത്തിയിരുന്നു. ഇതിനെ തുടര്ന്ന് പൂനെ വൈറോളജി ഇന്സ്റ്റിറ്റ്യൂട്ടില് നിപ സ്ഥിരീകരണത്തിനായി സാമ്പിളുകള് അയച്ചു. സ്ഥിരീകരണം വരുന്നതിന് മുമ്പ് തന്നെ പ്രോട്ടോകോള് അനുസരിച്ച് പ്രതിരോധ നടപടികള് ശക്തമാക്കാന് നിര്ദേശം നല്കിയിട്ടുണ്ട്.
മെഡിക്കല് കോളേജുകളില് പരിശോധന നടത്തിയപ്പോള് നിപ കണ്ടെത്തിയതിനെ തുടര്ന്ന് ആരോഗ്യ വകുപ്പ് ശക്തമായ നടപടികള് സ്വീകരിച്ചു വരുന്നുണ്ടെന്നും മൂന്ന് ജില്ലകളില് ഒരേ സമയം പ്രതിരോധ പ്രവര്ത്തനം നടത്താന് നിര്ദേശം നല്കിയിട്ടുണ്ടെന്നും ആരോഗ്യവകുപ്പ് വ്യക്തമാക്കി. മൂന്ന് ജില്ലകളില് 26 കമ്മിറ്റികള് വീതം രൂപീകരിച്ചു.
സമ്പര്ക്ക പട്ടിക തയ്യാറാക്കാൻ പോലീസിന്റെ കൂടി സഹായം തേടും. സ്റ്റേറ്റ് ഹെല്പ്പ് ലൈനും ജില്ലാ ഹൈല്പ്പ് ലൈനും സജ്ജീകരിക്കും. രണ്ട് ജില്ലകളില് ജില്ലാതലത്തില് കണ്ടൈന്മെന്റ് സോണുകള് പ്രഖ്യാപിക്കും. കളക്ടര്മാര് അതനുസരിച്ചുള്ള നടപടികള് സ്വീകരിക്കണം. പബ്ലിക് അനൗണ്സ്മെന്റ് നടത്തണം.
ഒരാളേയും വിട്ടു പോകാതെ കോണ്ടാക്ട് ട്രേസിംഗ് നടത്തണം. ഈ കാലയളവില് അസ്വാഭാവിക മരണങ്ങള് ഉണ്ടായിട്ടുണ്ടെങ്കില് അത് പരിശോധിക്കണം. മന്ത്രിയുടെ നേതൃത്വത്തില് വൈകുന്നേരം വീണ്ടും നിപ ഉന്നതതല യോഗം ചേര്ന്ന് തുടര്നടപടികള് സ്വീകരിക്കും. പാലക്കാട്, മലപ്പുറം ജില്ലകളിലാണ് രോഗഭീതി നിലനിൽക്കുന്നത്.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link.
ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
)