 "Nipah in Kerala: നിപ്പ സമ്പർക്കപ്പട്ടികയിൽ 425 പേർ; മലപ്പുറത്ത് മാത്രം 228 പേർ")
തിരുവനന്തപുരം: നിപ സമ്പര്ക്കപ്പട്ടികയില് ആകെ 425 പേര് ഉള്ളതായി ആരോഗ്യ മന്ത്രി വീണാ ജോര്ജ്. മലപ്പുറത്ത് 228, പാലക്കാട് 110, കോഴിക്കോട് 87 പേരുമാണ് സമ്പര്ക്കപ്പട്ടികയിലുള്ളത്. മലപ്പുറം ജില്ലയിൽ 12 പേരാണ് ചികിത്സയിലുള്ളത്. 5 പേര് ഐസിയുവിൽ ചികിത്സയിലുണ്ട്. സമ്പര്ക്കപ്പട്ടികയിലുള്ള ഒരാള് നെഗറ്റീവായി. പാലക്കാട് ഒരാള് ഐസൊലേഷനില് ചികിത്സയിലുമാണ്. പാലക്കാട് 61 ആരോഗ്യ പ്രവര്ത്തകര് സമ്പര്ക്കപ്പട്ടികയിലുണ്ട്. കോഴിക്കോട് ജില്ലയില് സമ്പര്ക്കപ്പട്ടികയിലുള്ള 87 പേരും ആരോഗ്യ പ്രവര്ത്തകരാണെന്നും മന്ത്രി പറഞ്ഞു.
പ്രദേശത്ത് പനി സര്വൈലന്സ് നടത്താന് നിര്ദേശം നല്കിയിട്ടുണ്ട്. മാനസിക പിന്തുണ ഉറപ്പാക്കണമെന്നും നിർദേശം നൽകി. പാലക്കാട് ജില്ലയില് സമ്പര്ക്കപ്പട്ടികയിലുള്ളവരെ അവിടെ തന്നെ ഐസൊലേറ്റ് ചെയ്യണം. സാമ്പിളുകള് മാത്രം പരിശോധനയ്ക്ക് അയച്ചാല് മതി. നിപ സ്ഥിരീകരിച്ച പാലക്കാട്ടേയും മലപ്പുറത്തേയും വ്യക്തികളുടെ റൂട്ട് മാപ്പ് പ്രസിദ്ധീകരിച്ചിട്ടുണ്ട്. കനിവ് 108 ഉള്പ്പെടെയുള്ള ആംബുലന്സുകള് ഇവിടങ്ങളിൽ സജ്ജമാണ്. ഉറവിടം കണ്ടെത്താനുള്ള പ്രവര്ത്തനങ്ങള് ശക്തമാക്കാനും നിര്ദേശം നല്കിയിട്ടുണ്ടെന്നും മന്ത്രി അറിയിച്ചു.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link.
ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
)