 "Nipah Virus Suspected: സംസ്ഥാനത്ത് വീണ്ടും നിപ; ചികിത്സയിലുള്ള യുവതി ഗുരുതരാവസ്ഥയിലെന്ന് റിപ്പോർട്ട്")
പാലക്കാട്: നിപ ലക്ഷണങ്ങളോടെ ആശുപത്രിയില് പ്രവേശിപ്പിച്ച യുവതിയുടെ ആരോഗ്യനില ഗുരുതരാവസ്ഥയിലെന്ന് റിപ്പോർട്ട്. പൂനെ വൈറോളജി ലാബിലേക്ക് അയച്ച സാമ്പിള് ഫലം ഇന്ന് വരുമെന്നാണ് റിപ്പോർട്ട്.
പാലക്കാട് നാട്ടുകല് സ്വദേശിയായ 38 കാരിയെയാണ് സ്വകാര്യ ആശുപത്രിയില് പ്രവേശിപ്പിച്ചത്. പ്രാഥമിക പരിശോധനയില് യുവതിക്ക് രോഗബാധയുണ്ട് എന്നാണ് കണ്ടെത്തിയത്. കോഴിക്കോട് ബയോളജി ലാബില് നടത്തിയ പ്രാഥമിക പരിശോധനയില് നിപ പോസിറ്റീവാണെന്നായിരുന്നു റിപ്പോർട്ട്. എന്നാല് പൂനെയിലേക്ക് അയച്ച സ്രവ സാമ്പിളിന്റെ ഫലം ലഭിച്ചാല് മാത്രമെ നിപ സ്ഥിരീകരിക്കാനാകൂ എന്നാണ് മലപ്പുറം കളക്ടറും മലപ്പുറം, പാലക്കാട് ജില്ലാ മെഡിക്കല് ഓഫീസര്മാരും അറിയിച്ചിരിക്കുന്നത്. പെരിന്തല്മണ്ണ സ്വകാര്യ ആശുപത്രിയിലാണ് രോഗി ചികിത്സയില് കഴിയുന്നത്.
രോഗിയുമായി സമ്പര്ക്കമുണ്ടായവരോട് നിരീക്ഷണത്തില് പോകാന് ആരോഗ്യവകുപ്പ് നിര്ദേശം നല്കിയിട്ടുണ്ട്. ഇവരെ നിരീക്ഷിച്ചു വരികയാണെന്നും രോഗത്തിന്റെ ഉറവിടം വ്യക്തമല്ലെന്നുമാണ് വിവരം.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link.
ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
)