Palakkad Byelection 2024: ഇടിച്ചുകയറി കോൺഗ്രസ്; പാലക്കാട് ലീഡ് നില ഉയർത്തി രാഹുൽ മാങ്കൂട്ടത്തിൽ

പാലക്കാട് ഇടിച്ചുക്കയറി യുഡിഎഫ് സ്ഥാനാർത്ഥി രാഹുൽ മാങ്കൂട്ടത്തിൽ. ആദ്യ ഘട്ടത്തിൽ ബിജെപി സ്ഥാനാർത്ഥി സി കൃഷ്ണകുമാർ മുന്നിട്ട് നിന്നെങ്കിലും മൂന്നാം ഘട്ട വോട്ടെണ്ണൽ പിന്നിടുമ്പോൾ 1418 വോട്ടുകൾക്ക് രാഹുൽ മുന്നിൽ. 

കഴിഞ്ഞ തവണത്തേക്കാൾ നഗരസഭയിൽ ഇത്തവണ ബിജെപിക്ക് വോട്ടുകൾ കുറഞ്ഞിട്ടുണ്ട്. കോൺഗ്രസിലേക്കാണ് ബിജെപി വോട്ടുകൾ ചോർന്നത്. രാഹുൽ മാങ്കൂട്ടത്തിലിന് കഴിഞ്ഞ തവണ കോൺഗ്രസ് സ്ഥാനാർത്ഥിക്ക്  ലഭിച്ചതിനേക്കാൾ 430 വോട്ട് കൂടി. പാലക്കാട് കഴിഞ്ഞ വർഷത്തെക്കാൾ എൽഡിഎഫ് വോട്ട് കൂടി. 

രാഷ്ട്രീയ കേരളം ആകാംഷയോടെ കാത്തിരിക്കുന്ന മണ്ഡലമാണ് പാലക്കാട്. പി സരിന്റെ എൽഡിഎഫ് പ്രവേശനം, പെട്ടി വിവാദം, കോൺ​ഗ്രസിലെ കൊഴിഞ്ഞ് പോക്ക്, സന്ദീപ് വാര്യരുടെ കോൺ​ഗ്രസിലേക്കുള്ള സസ്പെൻസ് എൻട്രി തുടങ്ങി നിരവധി ട്വിസ്റ്റുകൾ നിറഞ്ഞ മത്സരമായിരുന്നു പാലക്കാടിലേത്.

ഷാഫിക്ക് പിൻ​ഗാമിയായ രാഹുൽ എത്തുമെന്ന പ്രതീക്ഷയിലാണ്  യുഡിഫ്. അതേസമയം നേമത്തിന് ശേഷം കൃഷ്ണകുമാറിലൂടെ അക്കൗണ്ട് തുറക്കാമെന്ന് ബിജെപിയും പി. സരിനിലൂടെ ഏറെക്കാലത്തിന് ശേഷം മണ്ഡലം തിരിച്ച് പിടിക്കാമെന്ന് എൽഡിഎഫും കണക്കുകൂട്ടുന്നു.