 "NH Collapse: മലപ്പുറം ദേശീയപാതയിൽ വീണ്ടും സംരക്ഷണ ഭിത്തി തകര്ന്നു; വീണത് സര്വീസ് റോഡിലേക്ക്")
മലപ്പുറം: കൂരിയാട് ദേശീയപാതയിലെ സംരക്ഷണ ഭിത്തി വീണ്ടും തകര്ന്നു വീണു. സംരക്ഷണ ഭിത്തിയുടെ ഒരു ഭാഗം പൂർണ്ണമായും പൊളിഞ്ഞ് സർവ്വീസ് റോഡിലേക്ക് വീഴുകയായിരുന്നു. നേരത്തെ വലിയരീതിയിൽ തകർച്ചയുണ്ടായ സ്ഥലത്തിന് സമീപത്താണ് സംരക്ഷണഭിത്തി വീണ്ടും പൊളിഞ്ഞ് വീണത്. പ്രദേശത്ത് കനത്ത മഴ പെയ്യുന്നതിനിടെ സംരക്ഷണ ഭിത്തിയുടെ ഒരു ഭാഗം പൂർണ്ണമായും പൊളിഞ്ഞ് സർവ്വീസ് റോഡിലേക്ക് വീഴുകയായിരുന്നു. പ്രധാന പാതയുടെ പാര്ശ്വഭിത്തിയിലെ സിമന്റ് കട്ടകളാണ് തകര്ന്ന് വീണിരിക്കുന്നത്. പ്രദേശത്ത് കൂടുതൽ സ്ഥലങ്ങളിൽ സര്വീസ് റോഡിന് വിള്ളൽ രൂപപ്പെട്ടിട്ടുണ്ട്. കനത്ത മഴ തുടരുന്നതിനാൽ തന്നെ സമീപത്തെ വയലുകളിൽ വെള്ളം കയറിയിട്ടുണ്ട്. കനത്ത മഴയിലാണിപ്പോള് വീണ്ടും സംരക്ഷണ ഭിത്തി തകരുന്ന സാഹചര്യമുണ്ടായതെന്നാണ് നാട്ടുകാര് പറയുന്നത്.
അതേസമയം, ഇടിഞ്ഞ ഭാഗത്തെ റോഡ് പൂര്ണമായും പുനര്നിര്മിക്കണമെന്നാണ് വിദഗ്ധ സമിതി ശുപാര്ശ ചെയ്തു. കൂരിയാട് ദേശീയപാതയിൽ സംരക്ഷണ ഭിത്തിയടക്കം തകര്ന്ന ഭാഗത്തെ ഒരു കിലോമീറ്റര് റോഡ് പൂര്ണമായും പുനര്നിര്മിക്കണമെന്നാണ് റിപ്പോര്ട്ടിൽ പറയുന്നത്. അതേസമയം, കൂരിയാട് ദേശീയപാത നിര്മ്മാണത്തില് കരാര് കമ്പനിക്ക് വീഴ്ച്ച സംഭവിച്ചുവെന്ന് കേന്ദ്ര ഗതാഗത മന്ത്രാലയം നേരത്തെ തന്നെ വ്യക്തമാക്കിയിരുന്നു. നിര്മാണത്തിന് മുമ്പ് ഭൂമിയുടെ അവസ്ഥ പരിശോധിച്ചില്ലെന്നും ഭൂമി ബലപ്പെടുത്തുന്നതില് അശ്രദ്ധ കാണിച്ചുവെന്നുമാണ് ഗതാഗത മന്ത്രാലയത്തിന്റെ കണ്ടെത്തല്.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link.
ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
