 "Chikungunya Epidemic: ചിക്കന്ഗുനിയ വ്യാപനം, കേരളം കരുതിയിരിക്കണം; ജാഗ്രത വേണമെന്ന് മന്ത്രി വീണാ ജോര്ജ്")
തിരുവനന്തപുരം: റീയൂണിയന് ദ്വീപുകളില് ചിക്കന്ഗുനിയ വ്യാപനം രൂക്ഷമായ സാഹചര്യത്തില് കേരളം ജാഗ്രത പുലർത്തണമെന്ന് ആരോഗ്യവകുപ്പ് മന്ത്രി വീണാ ജോര്ജ്. ആഫ്രിക്കയുടെ കിഴക്കുഭാഗവുമായി ചേര്ന്ന് കിടക്കുന്ന ഫ്രഞ്ച് അധിനിവേശ പ്രദേശമാണ് റീയൂണിയൻ ദ്വീപുകൾ.
ഇതിനുമുമ്പ് വ്യാപകമായ ചിക്കന്ഗുനിയ ബാധ ഉണ്ടായത് 2006-2007 കാലഘട്ടത്തിലാണ്. അന്ന് റീയൂണിയന് ദ്വീപുകളില് തുടങ്ങി ഏഷ്യന് രാജ്യങ്ങളിലേക്ക് ഉൾപ്പെടെ രോഗം വ്യാപിച്ചിരുന്നു.
2006-2007 കാലഘട്ടത്തിലെ അത്രയും രോഗവ്യാപനം ഇല്ലെങ്കിലും റീയൂണിയന് ദ്വീപുകളില് ഇപ്പോള് ചിക്കന്ഗുനിയയുടെ വ്യാപനം രൂക്ഷമായിരിക്കുകയാണ്. 15,000 പേർക്ക് രോഗബാധ സ്ഥിരീകരിച്ചു. നവജാത ശിശുക്കൾ ഉൾപ്പെടെ നിരവധി പേരെ ആശുപത്രിയിൽ പ്രവേശിപ്പിച്ചിരിക്കുകയാണ്.
ലോകാരോഗ്യ സംഘടന വിദഗ്ധരുടെ യോഗം വിളിച്ചുചേർത്ത് സ്ഥിതിഗതികൾ വിലയിരുത്തി. ഈ സാഹചര്യത്തിലാണ് ആരോഗ്യവകുപ്പ് ജാഗ്രത നിർദേശം നൽകിയതെന്ന് മന്ത്രി വീണാ ജോർജ് വ്യക്തമാക്കി.
സംസ്ഥാനത്ത് പ്രതിരോധം ശക്തമാക്കാൻ ജില്ലകൾക്ക് നിർദേശം നൽകി. ഇഡിസ് ഈജിപ്തി കൊതുകുകളാണ് ചിക്കൻഗുനിയ പകർത്തുന്നത്. അതിനാൽ കൊതുകു നശീകരണം ഊർജ്ജിതമാക്കണം വ്യക്തിഗത സുരക്ഷാ മുൻകരുതലുകളും സ്വീകരിക്കണം.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില് വാര്ത്തകള് ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ... ios Link - https://apps.apple.com/us/app/zee-malayalam-news/id1634552220 . Android Link- https://play.google.com/store/apps/details?id=com.indiadotcom.zeemalayalam
ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. അപ്ഡേറ്റുകൾ അറിയാൻ സീ മലയാളം ന്യൂസ് വാട്സാപ്പ് ചാനൽ സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
