Kottayam Accident: കോട്ടയത്ത് ജീപ്പും ലോറിയും കൂട്ടിയിടിച്ച് അപകടം; രണ്ട് മരണം, മൂന്ന് പേർക്ക് പരിക്ക്

Road Accident Kottayam: ചൊവ്വാഴ്ച പുലർച്ചെ രണ്ടരയോടെയായിരുന്നു അപകടം. അകപടത്തിൽ ജീപ്പിന്റെ മുൻഭാ​ഗം പൂർണമായും തകർന്നു.

കോട്ടയം: കോട്ടയം എംസി റോഡിൽ ജീപ്പും ലോറിയും കൂട്ടിയിടിച്ച് രണ്ട് മരണം. നാട്ടകം പോളി ടെക്നിക്കിന് സമീപത്താണ് അപകടമുണ്ടായത്. ജീപ്പ് യാത്രക്കാരായ രണ്ട് പേരാണ് അപകടത്തിൽ മരിച്ചത്. ജീപ്പിന് പുറകിലിരുന്ന മൂന്ന് പേർക്ക് പരിക്കേറ്റു.

Add Zee News as a Preferred Source

ചൊവ്വാഴ്ച പുലർച്ചെ രണ്ടരയോടെയായിരുന്നു അപകടം. മരിച്ചവരിൽ ഒരാൾ ജീപ്പ് ഡ്രൈവർ തൊടുപുഴ സ്വദേശി സനോഷ് (55) ആണ്. രണ്ടാമത്തെ വ്യക്തി തമിഴ്നാട് സ്വദേശിയാണെന്നാണ് സൂചന.

അകപടത്തിൽ ജീപ്പിന്റെ മുൻഭാ​ഗം പൂർണമായും തകർന്നു. അ​ഗ്നിരക്ഷാ സേന എത്തിയാണ് ജീപ്പ് നീക്കം ചെയ്തത്. അപകടത്തെ തുടർന്ന്  ഏറെ നേരം ​ഗതാ​ഗതം തടസപ്പെട്ടു. ചിങ്ങവനം പോലീസ് എത്തി ​ഗതാ​ഗത പ്രശ്നം പരിഹരിച്ചു.