 "Manjummel Boys Financial Fraud Case: മഞ്ഞുമ്മൽ ബോയ്സ് സാമ്പത്തിക തട്ടിപ്പ് കേസിൽ സൗബിന് മുൻകൂർ ജാമ്യം")
)
കൊച്ചി: മഞ്ഞുമ്മൽ ബോയ്സ് സിനിമയുമായി ബന്ധപ്പെട്ടുള്ള സാമ്പത്തിക തട്ടിപ്പ് കേസിൽ നടൻ സൗബിൻ ഷാഹിറിന് മുൻകൂർ ജാമ്യം. സൗബിനെ കൂടാതെ ബാബു ഷാഹിർ, ഷോൺ ആന്റണി എന്നിവർക്കും കോടതി മുൻകൂർ ജാമ്യം അനുവദിച്ചു. ഹൈക്കോടതിയുടേതാണ് ഉത്തരവ്. മൂന്ന് പേരെയും കസ്റ്റഡിയിലെടുത്തുള്ള ചോദ്യം ചെയ്യൽ ആവശ്യമില്ലെന്ന് വിലയിരുത്തിയ കോടതി ജൂലൈ 7ന് മൂവരും അന്വേഷണ സംഘത്തിന് മുന്നിൽ ഹാജരാകണമെന്നും നിർദ്ദേശിച്ചു. അറസ്റ്റ് ചെയ്താൽ ജാമ്യത്തിൽ വിട്ടയയ്ക്കുകയും വേണം.
40 ശതമാനം ലാഭ വിഹിതം വാഗ്ദാനം ചെയ്ത് ഏഴ് കോടി രൂപ തട്ടിയെടുത്തെന്നായിരുന്നു ഇവർക്കെതിരായ കേസ്. അരൂര് സ്വദേശി സിറാജ് വലിയതുറ ഇവർക്കെതിരെ പരാതി നൽകിയിരുന്നത്. സിനിമയുടെ നിര്മാണത്തിനായി പലഘട്ടങ്ങളിലായി ഏഴുകോടി രൂപ കൈയില് നിന്ന് വാങ്ങിയെന്നും ലാഭവിഹിതം നല്കാതെ വിശ്വാസ വഞ്ചന കാണിച്ചു എന്നായിരുന്നു പരാതി.
എന്നാൽ സിറാജ് പറഞ്ഞ പണം കൃത്യസമയത്ത് നല്കിയില്ലെന്നാണ് നിര്മ്മാതാക്കൾ നൽകിയ വിശദീകരണം. ഇതുമൂലം ഷൂട്ടിങ് ഷെഡ്യൂളുകള് മുടങ്ങിയതായും അത് പിന്നീട് വലിയ നഷ്ടത്തിന് കാരണമായെന്നും നിര്മാതാക്കൾ പറഞ്ഞിരുന്നു. അതിനാലാണ് പണം നല്കാത്തതെന്നാണ് ഇവരുടെ വാദം.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link.
ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
