V Abdurahiman's Office Staff: സംഭവത്തിൽ മ്യൂസിയം പോലീസ് അസ്വാഭാവിക മരണത്തിന് കേസെടുത്തു. മരണ കാരണം വ്യക്തമല്ല.
തിരുവനന്തപുരം: കായിക മന്ത്രി വി അബ്ദുറഹ്മാന്റെ ഓഫീസ് സ്റ്റാഫ് വയനാട് സ്വദേശി ബിജു മരിച്ച നിലയിൽ. തിരുവനന്തപുരം നളന്ദ എൻജിഒ ക്വാർട്ടേഴ്സിലെ മുറിയിൽ തൂങ്ങിമരിച്ച നിലയിൽ കണ്ടെത്തുകയായിരുന്നു. മ്യൂസിയം പൊലീസ് അസ്വാഭാവിക മരണത്തിന് കേസെടുത്ത് തുടർനടപടികൾ സ്വീകരിച്ചു.
മരണകാരണം എന്തെന്ന് വ്യക്തമായിട്ടില്ല. മൊഴി രേഖപ്പെടുത്തിയ ശേഷം വിശദമായി മരണകാരണത്തെക്കുറിച്ച് അന്വേഷിക്കുമെന്ന് മ്യൂസിയം പോലീസ് പറഞ്ഞു. കഴിഞ്ഞദിവസവും ബിജു ഓഫീസിലത്തി ഔദ്യോഗിക ജോലികളിൽ സജീവമായിരുന്നു. പതിവുപോലെ ഓഫീസിലെത്താതായിനെ തുടർന്ന് സുഹൃത്തുക്കൾ ഫോണിൽ ബന്ധപ്പെട്ടെങ്കിലും ഫോണെടുത്തില്ല.
പിന്നീട് അദ്ദേഹം താമസിക്കുന്ന നളന്ദ ക്വാർട്ടേഴ്സിലെ മുറിയിലെത്തി പരിശോധന നടത്തിയെങ്കിലും മുറി അകത്തുനിന്ന് പൂട്ടിയ നിലയിലായിരുന്നു. മ്യൂസിയം പൊലീസിൽ വിവരമറിയിക്കുകയും പൊലീസെത്തി വാതിൽ തള്ളിത്തുറന്ന് അകത്ത് കയറിയപ്പോൾ ജനലിൽ തൂങ്ങിയ നിലയിൽ കണ്ടെത്തുകയുമായിരുന്നു. ബിജു കുടുംബസമേതം ക്വാർട്ടേഴ്സിൽ താമസിക്കുകയായിരുന്നു. ഭാര്യ വയനാട്ടിലേക്ക് മടങ്ങി പോയ ശേഷമാണ് ബിജു തൂങ്ങിയതെന്നാണ് വിവരം.
ബിജുവിനെ ആത്മഹത്യയിലേക്ക് തള്ളി വിടാനുണ്ടായ കാരണമെന്തെന്ന് പൊലീസ് പരിശോധിക്കുകയാണ്. സാമ്പത്തിക- കുടുംബ പ്രശ്നങ്ങളുള്ളതായി അറിയില്ലെന്നാണ് സഹപ്രവർത്തകരുടെ മൊഴി. ബിജുവിന്റെ ഭാര്യ ഉൾപ്പെടെയുള്ളവരുടെ പോലീസ് വിശദമായി രേഖപ്പെടുത്തും. മൃതദേഹം ഇൻക്വസ്റ്റിനും പോസ്റ്റ്മോർട്ടം നടപടികൾക്കും ശേഷം ബന്ധുക്കൾക്ക് വിട്ടു നൽകും.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link.
ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
)