 "Actor Mammootty: 'ഹലോ...മമ്മൂട്ടിയാണ്...'; ലഹരിമരുന്നിനെതിരെ സര്ക്കാരുമായി കൈകോര്ത്ത് \"ടോക് ടു മമ്മൂക്ക\"")
കൊച്ചി: 'ഹലോ...മമ്മൂട്ടിയാണ്...' മുഴക്കമുള്ള ആ ശബ്ദം ഇനിയുള്ള ദിവസങ്ങളില് നമ്മള് വീണ്ടും വീണ്ടും കേള്ക്കും. കേരളത്തെ കാർന്നുതിന്നുന്ന ലഹരിമരുന്നുകള്ക്കെതിരായ ജനകീയപോരാട്ടത്തിന് തുടക്കം കുറിച്ച് മലയാളത്തിന്റെ അഭിമാനതാരം ടോക് ടു മമ്മൂക്ക എന്ന പുതിയ സംരംഭത്തിന് തുടക്കമിടുകയാണ്.
ഇനി മമ്മൂട്ടിയും അദ്ദേഹത്തിന്റെ സേവനപ്രസ്ഥാനമായ കെയര് ആന്റ് ഷെയര് ഇന്റര്നാഷണലും ലഹരിക്കെതിരെ നിങ്ങള്ക്കൊപ്പം ഒറ്റ ഫോണ്കോളിന് അപ്പുറത്തുണ്ടാകും. ലഹരി മരുന്നിന്റെ ഉപയോഗത്തെയും കച്ചവടത്തെയും കുറിച്ചുള്ള വിവരങ്ങള് ഫോണിലൂടെ കൈമാറാനുള്ള സംവിധാനമാണ് ടോക് ടു മമ്മൂക്ക ഒരുക്കുന്നത്. മമ്മൂട്ടി സ്വന്തം ശബ്ദത്തിലാണ് ഈ ഫോൺ കോളിലേക്ക് സ്വാഗതം ചെയ്യുന്നത്.
കഴിഞ്ഞ ദിവസമായിരുന്നു ഇതിന്റെ റെക്കോഡിങ്. 6238877369 എന്ന നമ്പരിലേക്ക് വിളിച്ച് വിവരങ്ങൾ കൈമാറാം. മമ്മൂട്ടിയുടെ ശബ്ദ സന്ദേശത്തിന് ശേഷം ലഹരി മരുന്ന് വിപണനം, ഉപയോഗം എന്നിവയെക്കുറിച്ച് നിങ്ങൾക്ക് കൈമാറാനുള്ള വിവരങ്ങൾ പറയാവുന്നതാണ്. അത് കൃത്യമായി രേഖപ്പെടുത്തും. തുടർന്ന് അടിയന്തര നടപടികൾക്കായി അധികൃതർക്ക് കൈമാറും.
സംസ്ഥാന കുടുംബശ്രീ മിഷന്റെകൂടി സഹകരണത്തിലാണ് ടോക് ടു മമ്മൂക്ക എന്ന പദ്ധതി നടപ്പാക്കുന്നത്. ഫോണിലൂടെ പങ്കുവയ്ക്കപ്പെടുന്ന വിവരങ്ങൾ കെയർ ആന്റ് ഷെയർ ഫൗണ്ടേഷൻ എക്സൈസ് വകുപ്പിന് കൈമാറി കൂടുതൽ അന്വേഷണങ്ങൾ നടത്തും. വിവരങ്ങൾ നൽകുന്നവരുടെ വിശദാംശങ്ങൾ രഹസ്യമായി സൂക്ഷിക്കും.
ലഹരിയുടെ പിടിയിലാവയര്ക്ക് കൗണ്സലിങ് ആവശ്യമാണെങ്കിൽ അത് നൽകുന്നതിന് വിവിധ ആശുപത്രികളുമായി സഹകരിച്ച് സൗകര്യം ഒരുക്കുന്നുണ്ട്. ആലുവ രാജഗിരി ആശുപത്രിയുടെ ക്ലിനിക്കൽ സൈക്കോളജി വിഭാഗത്തിന്റെ മുഴുവൻ സമയ സേവനവും തുടക്കത്തിൽ സൗജന്യമായി പദ്ധതിയിൽ ലഭ്യമാക്കുന്നു.
ടോക് ടു മമ്മൂക്ക സംരംഭത്തിന്റെ നമ്പര് മമ്മൂട്ടിയുടെ പ്രിയപ്പെട്ട നമ്പര് ആയ 369-ല് അവസാനിക്കുന്നതാണ് എന്ന പ്രത്യേകതയുമുണ്ട്. മുൻപ് ലഹരിമരുന്നുകൾക്കെതിരെ പരാതിപ്പെട്ടവരെ പ്രതികൾ ഭീഷണിപ്പെടുത്തുന്ന സാഹചര്യങ്ങൾ റിപ്പോർട്ട് ചെയ്തിരുന്നു.
പരാതിക്കാരുടെ സ്വകാര്യത ഉറപ്പാക്കുന്നതിലൂടെ ഈ പദ്ധതിയിൽ സ്ത്രീകളും കുട്ടികളും ഉൾപ്പെടെയുള്ളവർക്ക് ധൈര്യത്തോടെ മുന്നോട്ട് വരാനുള്ള സാഹചര്യം സൃഷ്ടിക്കപ്പെടുന്നുവെന്നാണ് കെയർ ആന്റ് ഷെയർ ഇന്റർനാഷണൽ ചെയർമാൻ കെ മുരളീധരൻ പറയുന്നത്. സംസ്ഥാന സര്ക്കാരുമായി ചേര്ന്ന് നടപ്പാക്കുന്ന ‘ടോക് ടു മമ്മൂക്ക‘ ദൗത്യവുമായി സഹകരിക്കണമെന്ന് എക്സൈസ് വകുപ്പിന് നിര്ദേശം നൽകിയിട്ടുണ്ട്.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link.
ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
)