 "Kochi Stadium: കലൂർ സ്റ്റേഡിയത്തിൻ്റെ നിർമ്മാണം ആരംഭിച്ചത് കരാറില്ലാതെ, നവംബറിൽ നിർമ്മാണം പൂർത്തിയാക്കി നൽകുമെന്ന് സ്പോൺസർ")
കൊച്ചി: കേരളത്തിൽ നടക്കാനിരുന്ന അർഡൻ്റീന ടീമിൻ്റെ ഫുട്ബോൾ മത്സരവുമായ് ബന്ധപ്പെട്ട്, കൊച്ചി കലൂർ രാജ്യാന്തര സ്റ്റേഡിയം നിർമ്മാണ പ്രവർത്തനങ്ങൾക്കായി സ്പോൺസർ ആൻ്റോ അഗസ്റ്റിന് വിട്ടുനൽകിയത് കരാറില്ലാതെ. കോടികൾ ചെലവുള്ള നിർമ്മാണ പ്രവർത്തികൾക്ക് കരാർ ഇല്ലാതെ അനുമതി നൽകിയതിൽ സർക്കാർ സംവിധാനത്തിൻ്റെ ഗുരുതര വീഴ്ചയാണ്.
ജിസിഡിഎ, സ്പോർട്സ് കേരള ഫൗണ്ടേഷൻ, സ്പോൺസറായ ആൻ്റോ ആൻ്റണിയുമായ് ഒരു ത്രികക്ഷി കരാറിൽ ഏർപ്പെടാൻ ഈ മാസം മുഖ്യമന്ത്രിയുടെ നേതൃത്വത്തിൽ ചേർന്ന യോഗത്തിൽ ധാരണയായിരുന്നു. എന്നാൽ കരാറിന് ധാരണയായതല്ലാതെ ഒപ്പിട്ടില്ല. കരാർ ഒപ്പിടാതെയാണ് കലൂർ സ്റ്റേഡിയത്തിൽ നിർമ്മാണ പ്രവർത്തനങ്ങൾ നടത്തുന്നത്. സ്റ്റേഡിയത്തിന്റെ പിച്ച് ഉൾപ്പെടെയുള്ള മുഴുവൻ സംവിധാനങ്ങളും പുതുക്കിപ്പണിയുകയാണ്. കസേരകൾ പൂർണ്ണമായും ഇളക്കി മാറ്റി. കൂടാതെ ഫ്ലഡ് ലൈറ്റുകളും മാറ്റിയിട്ടുണ്ട്. നവംബർ 30 നകം സ്റ്റേഡിയത്തിൻ്റെ നിർമ്മാണം പൂർത്തിയാക്കി നൽകാമെന്ന് സ്പോൺസർ വാക്ക് നൽകിയിട്ടുണ്ട്. ജിഡിസിഎയുടെ ഉടമസ്ഥതയിലുള്ള സ്റ്റേഡിയം കൈമാറണമെങ്കിൽ കരാറും, വാടകയും നിശ്ചയിക്കേണ്ടതുണ്ട്. എന്നാൽ ഈ നടപടിക്രമങ്ങൾ ഒന്നും പാലിക്കാതെയാണ് നിർമ്മാണം തുടങ്ങിയത്.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link.
ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
)