 "Heatwave Alert: വേനലില് ചുട്ടുപൊളളി രാജ്യം; വിവിധ സംസ്ഥാനങ്ങളില് ജാഗ്രത മുന്നറിയിപ്പുമായി കേന്ദ്ര കാലാവസ്ഥ വകുപ്പ്")
ഡല്ഹി: രാജ്യത്ത് കനത്ത ചൂട് തുടരുന്ന സാഹചര്യത്തില്, വിവിധ സംസ്ഥാനങ്ങളില് ഉഷ്ണതരംഗ മുന്നറിയിപ്പ് പ്രഖ്യാപിച്ച് കേന്ദ്ര കാലാവസ്ഥ വകുപ്പ്. ഏപ്രില് 30 വരെ ജനങ്ങള് ജാഗ്രത പാലിക്കണമെന്ന് മുന്നറിയിപ്പില് പറയുന്നു. താപനില ഉയര്ന്നതോടെ വിവിധ സംസ്ഥാനങ്ങളില് കേന്ദ്ര കാലാവസ്ഥ വകുപ്പ് ഓറഞ്ച്, യെല്ലോ അലേര്ട്ടുകളും പ്രഖ്യാപിച്ചിട്ടുണ്ട്.
കേരളത്തില്, താപനില 41°C വരെ ഉയരുമെന്നാണ് കാലാവസ്ഥ വകുപ്പിന്റെ പ്രവചനം. പാലക്കാട് ജില്ലയില് ഇന്ന് ഓറഞ്ച് അലര്ട്ടും. തൃശൂര്, കോഴിക്കോട്, ആലപ്പുഴ എന്നീ ജില്ലകളില് യെല്ലോ അലര്ട്ടും കേന്ദ്ര കാലാവസ്ഥ വകുപ്പ് പ്രഖ്യാപിച്ചിട്ടുണ്ട്. പാലക്കാട് ജില്ലയില് ഉയര്ന്ന താപനില തുടരുന്നതിനാല് മെയ് 2 വരെ വിദ്യാഭ്യാസ സ്ഥാപനങ്ങള് അടച്ചിടാന് സംസ്ഥാന സര്ക്കാര് ഉത്തരവിട്ടു.
തെലങ്കാനയിലെ 33 ജില്ലകളിലും കാലാവസ്ഥ വകുപ്പ് ജാഗ്രത നിര്ദ്ദേശം നല്കിയിട്ടുണ്ട്. പകല് താപനില 41°C മുതല് 44°C വരെ ഉയര്ന്നേക്കാം എന്നാണ് പ്രവചനം. ഹൈദരാബാദില് പൊതുവേ ചൂട് കൂടുതല് ആയതിനാല്,ഇവിടെ താപനില 43°C വരെ ഉയരാന് സാധ്യതയുണ്ടെന്നും കാലാവസ്ഥ വകുപ്പ് അറിയിച്ചു.
മെയ് 3 വരെ തെലങ്കാനയിലും ഓറഞ്ച് അലര്ട്ട് പ്രഖ്യാപിച്ചിട്ടുണ്ട്. അതേസമയം പകല് 11 മണി മുതല് 3 മണി വരെ സൂര്യപ്രകാശം ഏല്ക്കുന്നത് ഒഴിവാക്കണമെന്നും കാലാവസ്ഥ വകുപ്പിന്റെ നിര്ദ്ദേശത്തില് പറയുന്നു.
ഒഡീഷയിലും പശ്ചിമ ബംഗാളിലും ഓറഞ്ച് അലര്ട്ടാണ് പ്രഖ്യാപിച്ചിരിക്കുന്നത്. അതേസമയം ഉത്തര്പ്രദേശ്, ബിഹാര് എന്നീ സംസ്ഥാനങ്ങളുടെ ചില ഭാഗങ്ങളില് മഞ്ഞ അലര്ട്ട് പുറപ്പെടുവിച്ചിട്ടുണ്ട്. ഈ പ്രദേശങ്ങളില് സാധാരണയേക്കാള് ഉയര്ന്ന താപനില അനുഭവപ്പെടാന് സാധ്യതയുണ്ടെന്നാണ് കേന്ദ്ര കാലാവസ്ഥ വകുപ്പിന്റെ പ്രവചനം.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link.
ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
