55,000 കിലോമീറ്റർ താണ്ടി നേപ്പാളിൽ നിന്നും കാൽനടയായി മണിരത്നം നായിടു, അയ്യപ്പനെ കാണാൻ എത്തുന്നത് 38-ാം വർഷം

ശബരിമല ദർശനത്തിനായി നേപ്പാളിൽ നിന്നും കാൽനടയായി മണിരത്നം നായിടു  സ്വാമിയും കൂട്ടരും എത്തുന്നത് ഇത് മുപ്പത്തി ഏട്ടാമത്തെ വർഷം. ഇടുക്കി വണ്ടിപ്പെരിയാർ സത്രം വഴിയാണ് ഈ സംഘം ഇത്തവണ സന്നിധാനത്തെത്തുന്നത്. മൂന്നു സംഘങ്ങളായാണ് ഇവരുടെ ശബരിമല യാത്ര.

ശബരിമല മണ്ഡലകാലം ആരംഭിക്കുന്നതിന് നാലുമാസം മുൻപാണ്  മണിരത്നം നായിടു  സ്വാമിയും കൂട്ടരും  നേപ്പാളിൽ നിന്നും കാൽനടയായി യാത്ര ആരംഭിച്ചത്. ആന്ധ്ര സ്വദേശിയായ മണിരത്നം നായിഡു സ്വാമിയും കൂട്ടരും കഴിഞ്ഞ 38 വർഷക്കാലമായി ഇന്ത്യയുടെ വിവിധ തീർത്ഥാടന കേന്ദ്രങ്ങളിൽ നിന്നും നേരിട്ടാണ് കാൽനടയായി ശബരിമല ദർശനത്തിനായി എത്തുന്നത്. ഇത്തവണ നേപ്പാളിൽ നിന്നുമാണ് തീർത്ഥാടനം ആരംഭിച്ചത്.  ഏകദേശം 55,000 കിലോമീറ്റർ താണ്ടിയാണ് അയ്യനെ കാണാൻ എത്തിയതെന്ന് മണി നായിഡു സ്വാമി പറയുന്നു.

71 മത്തെ വയസ്സിലും ഊർജ്ജസ്വലനായിട്ട് എത്താൻ കഴിഞ്ഞത് ശബരിമല ശ്രീ ധർമ്മശാസ്താവിനോടുള്ള ആരാധന കാറണമാണെന്നാണ് സ്വാമി പറയുന്നത്.  എല്ലാവർഷവും ആന്ധ്രയിൽ നിന്നും നിരവധി ആളുകളെ കൂട്ടിയാണ് ദർശനത്തിനായി ശബരിമലയിൽ ഈ സംഘം എത്തുന്നത്. എന്നാൽ ഇത്തവണ നേപ്പാളിൽ നിന്നുള്ള ആളുകളുമായാണ് മണിരത്നം സ്വാമി യാത്ര ആരംഭിച്ചത്.