Drown Death: പാലക്കാട് സഹോദരങ്ങൾ ഉൾപ്പെടെ മൂന്നു കുട്ടികൾ കുളത്തിൽ‌ മുങ്ങിമരിച്ചു

Drown Death Palakkad: പ്രദീപ്, പ്രതീഷ്, രാധിക എന്നിവരാണ് മരിച്ചത്. പത്ത് വയസിന് താഴെയുള്ള കുട്ടികളാണ് മൂന്ന് പേരും.

പാലക്കാട്: മൂന്ന് കുട്ടികൾ കുളത്തിൽ മുങ്ങി മരിച്ചു. പാലക്കാട് മീൻവല്ലം തുടിക്കോടാണ് അപകടമുണ്ടായത്. തുടിക്കോട് സ്വദേശി പ്രകാശന്റെ മക്കളായ പ്രദീപ്, പ്രതീഷ്, ഇവരുടെ ബന്ധു രാധിക എന്നിവരാണ് മരിച്ചത്. പത്ത് വയസിന് താഴെയുള്ള കുട്ടികളാണ് മരിച്ച മൂന്ന് പേരും.

ചൊവ്വാഴ്ച ഉച്ചയോടെ വീട്ടിൽ നിന്ന് കളിക്കാനായി പോയ കുട്ടികളെ കാണാതായതിനെ തുടർന്ന് നടത്തിയ അന്വേഷണത്തിലാണ് കുട്ടികളെ കുളത്തിൽ കണ്ടെത്തിയത്. ആദ്യം രണ്ട് കുട്ടികളെ കുളത്തിൽ നിന്ന് പുറത്തെടുത്തു. പിന്നീട് മൂന്നാമത്തെ കുട്ടിയെയും കണ്ടെത്തുകയായിരുന്നു. 

കുട്ടികളെ ആദ്യം സമീപത്തുള്ള ആശുപത്രിയിലും പിന്നീട് പാലക്കാട് ജില്ലാ ആശുപത്രിയിലും എത്തിച്ചെങ്കിലും മൂവരെയും രക്ഷിക്കാനായില്ല. കളിയ്ക്കുന്നതിനിടെ കുട്ടികൾ കുളത്തിൽ വീണാതാകാമെന്നാണ് പ്രാഥമിക നി​ഗമനം.