Kasaragod Car Accident: കാർ ഡിവൈഡറിലിടിച്ച് മറിഞ്ഞ് മൂന്ന് പേർക്ക് ദാരുണാന്ത്യം

Kasargod Car Accident Updates: കാര്‍ അമിതവേഗത്തിലായിരുന്നു എന്നാണ് പ്രാഥമിക നിഗമനം. കാറിലുണ്ടായിരുന്ന മൂന്നുപേർ തൽക്ഷണം മരിച്ചു.

കാസര്‍ഗോഡ്: ഹൊസങ്കടിയില്‍ കാര്‍ അപകടത്തില്‍പ്പെട്ട് മൂന്നുപേർക്ക് ദാരുണാന്ത്യം. കാര്‍ ഡിവൈഡറിലിടിച്ച് മറിഞ്ഞാണ് അപകടം ഉണ്ടായത്. അപകടത്തില്‍ കാറിലുണ്ടായിരുന്ന മൂന്നു പേരും തൽക്ഷണം മരിച്ചു. ഗുരുതരമായി പരിക്കേറ്റ ഒരാളെ കാഞ്ഞങ്ങാട് ജില്ലാ ആശുപത്രിയില്‍ പ്രവേശിപ്പിച്ചിട്ടുണ്ട്. 

Add Zee News as a Preferred Source

ഉപ്പള ബേക്കൂർ കണ്ണാടിപ്പാറയിലെ ജനാർദ്ധനൻ മകൻ വരുൺ ബന്ധു കിഷൻ കുമാർ എന്നിവരാണ് മരിച്ചത്. മംഗളൂരു സ്വദേശിയായ രത്തനെയാണ് പരിക്കുകളോടെ ആശുപത്രിയിൽ പ്രവേശിപ്പിച്ചത്. മംഗളൂരുവിലേക്കുള്ള യാത്രാമധ്യേയായിരുന്നു അപകടം. കാര്‍ അമിതവേഗത്തിലായിരുന്നു എന്നാണ് പ്രാഥമിക നിഗമനം.

അപകടം നടന്നത് ഇന്നലെ രാത്രി 10:30 ഓടെയായിരുന്നു. ഇവർ ഉപ്പള ഭാഗത്തു നിന്നും മംഗളൂരുവിലേക്ക് പോകുകയായിരുന്നു. അപകടത്തിൽ കാര്‍ പൂര്‍ണമായും തകര്‍ന്നു. കാറിനകത്ത് കുടുങ്ങിയവരെ നാട്ടുകാരും പോലീസും അഗ്നിരക്ഷാസേന ഉദ്യോഗസ്ഥരും ചേര്‍ന്നാണ് പുറത്തെടുത്തത്. 50 മീറ്റോളം ദൂരം കൈവരി ഇടിച്ച് തകർത്തായിരുന്നു കാർ മുന്നോട്ട് പോയത്. അപകടത്തെ തുടർന് റോഡിൽ കാറിൻ്റെ ഭാഗങ്ങൾ ചിതറി. അപകടത്തിൽ മരിച്ച മൂന്ന് പേരും കാറിൽ നിന്ന് റോഡിലേക്ക് തെറിച്ച് വീഴുകയായിരുന്നു.