Good Friday 2025: നാളെ ദുഃഖവെള്ളി; അറിയാം ചരിത്രവും പ്രാധാന്യവും
ഇത് ഹോളി ഫ്രൈഡേ, ഗ്രേറ്റ് ഫ്രൈഡേ, ബ്ലാക്ക് ഫ്രൈഡേ എന്നും അറിയപ്പെടുന്നു.
 "Good Friday 2025: നാളെ ദുഃഖവെള്ളി; അറിയാം ചരിത്രവും പ്രാധാന്യവും")
Image Credit: Good FridaySource: Bureau
About the Author
Trending
- News
- Photos
- Videos
)
2
3
4
യേശുക്രിസ്തുവിന്റെ കുരിശു മരണത്തെയും അതിന്റെ ത്യാഗ സ്മരണകളെയും ആദരിക്കുന്നതിനായി ക്രിസ്ത്യാനികള്ക്കുള്ള ഒരു പുണ്യദിനമാണ് ദുഃഖവെള്ളി. അതിനാല് ലോകമെമ്പാടുമുള്ള ക്രിസ്ത്യാനികള് ഈസ്റ്ററിന് തൊട്ടു മുന്പുള്ള വെള്ളിയെ ദുഃഖവെള്ളിയാഴ്ച ആയി ആചരിക്കുന്നു. യേശുക്രിസ്തുവിന്റെ കുരിശു മരണത്തെ ഈ ദിനം അനുസ്മരിക്കുന്നു. ഇത് ഹോളി ഫ്രൈഡേ, ഗ്രേറ്റ് ഫ്രൈഡേ, ബ്ലാക്ക് ഫ്രൈഡേ എന്നും അറിയപ്പെടുന്നു. ദുഃഖവെള്ളിക്ക് മുമ്പ് മൗണ്ടി(പെസഹ)വ്യാഴാഴ്ചയും തുടര്ന്ന് വിശുദ്ധ ശനിയാഴ്ചയും തുടര്ന്ന് ഈസ്റ്റര് ഞായറാഴ്ചയും വരുന്നു. 2025ല് ഏപ്രില് 18ന് ദുഃഖവെള്ളി ആചരിക്കുന്നു.
എന്താണ് ദുഃഖവെള്ളിയുടെ ചരിത്രം ?
വിശുദ്ധ ബൈബിളില് പറയുന്നത്, ദുഃഖവെള്ളി ദിനം എന്നത് യേശുവിനെ യൂദാസ് സ്കറിയോട്ട് ഒറ്റിക്കൊടുത്തതിന് ശേഷം റോമന് ഗവര്ണര് പോണ്ടിയോസ് പീലാത്തോസിന്റെ കല്പ്പനപ്രകാരം യേശുക്രിസ്തുവിനെ ക്രൂശിച്ച ദിവസത്തിന്റെ സ്മരണയാണ് ദുഃഖവെള്ളി. ബൈബിള് രേഖകള് അനുസരിച്ച്, താന് ദൈവപുത്രനാണെന്ന് അവകാശപ്പെട്ടപ്പോള് യഹൂദ മതവിശ്വാസികള് യേശുവിനെ ദൈവദൂഷണം ആരോപിച്ച് റോമന് അധികാരികളുടെ മുമ്പില് കൊണ്ടുവന്നു. റോമന് ഗവര്ണറായ പൊന്തിയോസ് പീലാത്തോസ് അദ്ദേഹത്തെ കുരിശിലേറ്റാന് വിധിച്ചു. അക്കാലത്തെ ഏറ്റവും ഉയര്ന്ന ക്രിമിനല് ശിക്ഷയായിരുന്നു അത്. യേശുവിനെ പരസ്യമായി മര്ദ്ദിക്കുകയും, വലിച്ചിഴയ്ക്കുകയും, പരിഹസിക്കുന്ന ജനക്കൂട്ടം നിറഞ്ഞ തെരുവുകളിലൂടെ ഭാരമേറിയ ഒരു മരക്കുരിശ് ചുമക്കാന് നിര്ബന്ധിക്കുകയും ചെയ്തുവെന്ന് പറയപ്പെടുന്നു. തുടര്ന്ന് കുരിശില് തറയ്ക്കപ്പെട്ടു, കൈത്തണ്ടയിലും കാലിലും കുരിശില് തറച്ചു, ഒടുവില് അദ്ദേഹം മരിച്ചു.
ദുഃഖവെള്ളിയുടെ പ്രാധാന്യം
മൂന്നാം നാള് യേശു ഉയിര്ത്തെഴുന്നേറ്റതായും ക്രൈസ്തവര് വിശ്വസിക്കുന്നു. ബൈബിള് പുതിയനിയമത്തില് ഉയിര്ത്തെഴുന്നേല്പ്പിനെപ്പറ്റി വ്യക്തമായി സൂചിപ്പിക്കുന്നുമുണ്ട്. യേശുവിനെ കുരിശിലേറ്റിയ ദിനമാണ് ദുഃഖവെള്ളിയായി ക്രൈസ്തവ സമൂഹം ആചരിക്കുന്നത്. ദുഃഖവെള്ളിയാഴ്ച ദിനം ക്രിസ്ത്യാനികള് യേശുവിന്റെ ത്യാഗങ്ങളെയും ക്രൂശിക്കപ്പെട്ട വഴിയെയും ഓര്ത്തെടുക്കുന്നു. ദുഃഖത്തോടെയും പ്രാര്ത്ഥനയോടെയും നിശബ്ദതയോടെയും ആണ് ക്രൈസ്തവര് ഈ ദിനം ആചരിക്കുന്നത്. ക്രിസ്ത്യാനികളെ സംബന്ധിച്ചിടത്തോളം ദുഃഖവെള്ളിയാഴ്ച വിലാപത്തിന്റെയും പ്രതിഫലനത്തിന്റെയും അനുതാപത്തിന്റെയും ദിവസമാണ്.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില് വാര്ത്തകള് ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ... ios Link - https://apps.apple.com/us/app/zee-malayalam-news/id1634552220 . Android Link- https://play.google.com/store/apps/details?id=com.indiadotcom.zeemalayalam
ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. അപ്ഡേറ്റുകൾ അറിയാൻ സീ മലയാളം ന്യൂസ് വാട്സാപ്പ് ചാനൽ സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
