Drown Death: കുട്ടിക്കാനത്ത് കയത്തിൽ വീണ സഞ്ചാരിക്ക് ദാരുണാന്ത്യം; ഒപ്പമുണ്ടായിരുന്നയാൾ കടന്നു കളഞ്ഞു

ഇടുക്കി: കുട്ടിക്കാനം തട്ടത്തിക്കാനത്ത് കയത്തിൽ വീണ സഞ്ചാരിക്ക് ദാരുണാന്ത്യം. ഹരിപ്പാട് സ്വദേശി മഹേഷ് (45) ആണ് മരിച്ചത്. ഉച്ചയ്ക്ക് രണ്ടരയോടെയായിരുന്നു അപകടം സംഭവിച്ചത്. ഒപ്പമുണ്ടായിരുന്ന സുഹൃത്ത് വാഹനവുമായി കടന്നുകള‍ഞ്ഞു. ഇരുവരും കുളിക്കുന്നതിനായി കയത്തിൽ ഇറങ്ങിയപ്പോൾ മഹേഷ് വെള്ളത്തിൽ വീണുപോകുകയായിരുന്നു.

സംഭവം ശ്രദ്ധയിൽപ്പെട്ട സമീപവാസികളാണ് അഗ്നിരക്ഷാ സേനയെ വിവരമറിയിച്ചത്. ഉടൻ തന്നെ അസിസ്റ്റന്റ് സ്റ്റേഷൻ ഓഫീസർ പി. ബിനുകുമാർ, സീനിയർ ഫയർ ഓഫീസർമാരായ പി.എസ്. സനൽ, പി.കെ. സന്തോഷ്, ജി. എസ്. ആനന്ദ്, വി. ആർ. അരുൺകുമാർ, അൻഷാദ്.എ എന്നിവരടങ്ങിയ സംഘം സ്ഥലത്തെത്തി. തുടർന്ന് മഹേഷിനെ പുറത്തെടുത്ത് പീരുമേട് താലൂക്ക് ആശുപത്രിയിൽ എത്തിച്ചുവെങ്കിലും ജീവൻ രക്ഷിക്കാനായില്ല.

Also Read: Kollam Accident: ടോറസ് ലോറിയും സ്കൂട്ടറും കൂട്ടിയിടിച്ചു; ലോറിക്കടിയിൽപെട്ട യുവാവിന് ദാരുണാന്ത്യം

മഹേഷും സുഹൃത്തും താമസിച്ചിരുന്ന ഹോം സ്റ്റേയിൽ നിന്നാണ് മഹേഷിന്റെ പേര് പോലീസിന് ലഭിച്ചത്. എന്നാൽ, ഒപ്പമുണ്ടായിരുന്ന ആൾ ഓടിപ്പോയതിനാൽ കൂടുതൽ വിവരങ്ങൾ ലഭ്യമല്ല. പീരുമേട് പോലീസ് സംഭവത്തിൽ കേസെടുത്ത് അന്വേഷണം നടത്തിവരികയാണ്. മഹേഷിൻ്റെ മൃതദേഹം പോസ്റ്റ്‌മോർട്ടത്തിനായി പീരുമേട് താലൂക്ക് ആശുപത്രിയിൽ സൂക്ഷിച്ചിരിക്കുകയാണ്.

ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link.

ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.