Traffic Police: സംസ്ഥാന വ്യാപകമായി നടത്തിയ പരിശോധനയില് 32.49 ലക്ഷം രൂപയാണ് ഇതുവരെ പിഴയായി ഈടാക്കിയത്
നിരത്തിൽ വാഹനവുമായി ഇറങ്ങുമ്പോൾ ട്രാഫിക് നിയമങ്ങൾ പാലിക്കാൻ മറക്കണ്ട. നിരത്തിൽ പൊലീസിന്റെ പരിശോധനയുണ്ട്. റോഡ് യാത്ര സുരക്ഷിതമാക്കുന്നതിനും ചരക്കുനീക്കം സുഗമമാക്കാനുമാണ് കേരള പൊലീസിന്റെ ട്രാഫിക് ആന്റ് റോഡ് സേഫ്റ്റി മാനേജ്മെന്റ് വിഭാഗത്തിന്റെ പരിശോധന. സംസ്ഥാന വ്യാപകമായി നടത്തിയ പരിശോധനയില് 32.49 ലക്ഷം രൂപയാണ് ഇതുവരെ പിഴയായി ഈടാക്കിയത്. 84 കേസുകള് രജിസ്റ്റര് ചെയ്യുകയും ചെയ്തു. ഏപ്രില് 8 മുതല് 14 വരെ ഏഴ് ദിവസം നീണ്ട പരിശോധനാ കാലയളവില് 40,791 വാഹനങ്ങള് പരിശോധിക്കുകയും 10,227 ട്രാഫിക് നിയമലംഘനങ്ങള് കണ്ടെത്തുകയും ചെയ്തിട്ടുണ്ട്.
സംസ്ഥാന പാതകളില് 3760, ദേശീയ പാതകളില് 2973, മറ്റ് പാതകളില് 3494 എന്ന രീതിയിലാണ് നിയമലംഘനങ്ങള് നടന്നതായി കണ്ടെത്തിയിട്ടുള്ളത്. അശ്രദ്ധമായ ഡ്രൈവിംഗിനും അമിത വേഗതക്കും 1211 പേര്ക്കും അനധികൃത പാര്ക്കിങിന് 6685 പേര്ക്കും പിഴ ചുമത്തി. ചരക്ക് നീക്കത്തിനായി ഉപയോഗിക്കുന്ന ഹെവി വാഹനങ്ങള് ഏറ്റവും കൂടുതല് സഞ്ചരിക്കുന്ന പാതകള് കേന്ദ്രീകരിച്ചാണ് പരിശോധനകള് നടക്കുന്നത്. ഇത്തരം പരിശോധനകള് തുടര്ന്നും നടത്തി റോഡ് ഗതാഗതം സുരക്ഷിതമാക്കുന്നതിന് വേണ്ട നടപടികള് സ്വീകരിക്കുമെന്ന് ഐ.ജി അറിയിച്ചു.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില് വാര്ത്തകള് ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ... ios Link - https://apps.apple.com/us/app/zee-malayalam-news/id1634552220 . Android Link- https://play.google.com/store/apps/details?id=com.indiadotcom.zeemalayalam
ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. അപ്ഡേറ്റുകൾ അറിയാൻ സീ മലയാളം ന്യൂസ് വാട്സാപ്പ് ചാനൽ സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
)